قارئة الفنجان بقلم سارة محمد

قارئة الفنجان

يصحى عمر من النوم...

مي صباح الخير ياحبيبي...

عمر صباح النور يا ورده حياتي...

مي يلا قوم خد شور الفطار جاهز...

عمر ماشي يا روحي...

ياخد عمر شور ويطلع يفطر يلا يا حبيبي عايزة حاجة...

مي لا يابيبي خلي بالك من نفسك ومتتأخرش...

عمر هو انا اقدر اتأخر اه خلي عينك بقى ع الخدامه الجديدة...

مي متقلقش...

عمر ماشي يلا سلام...

يمشي عمر ويرن الجرس بعدها...

مي مين اللي جاي دلوقتي افتحي يا مروه...

مروة حاضر تفتح مروه معقوله الست مبروكه...

مي مبروكه مين يامروة..

تدخل مروة دي الست مبروكه يا هانم...

مي مبروكه مين...

مروة انتي ازاي متعرفيهاش دي مشهورة جدا دي ست سرها باتع بتلف ع البيوت تقرالهم الفنجان والكف وكل حاجة...

مي امم عشان الفلوس طبعا...

مروة لا يا هانم دي بتعمل كدة ببلاش ادخلها يا ستي واهو فرصه انتي بتشربي قهوة تقرالك...

مي تدخليها فين انا مليش ف الحاجات دي...

مروة ياهانم مش هتخسري حاجة جربي...

تفكر مي تصدقي معاكي حق انا قاعده فاضيه وعمر ف الشغل ماشي دخليها...

مروة ماشي اتفضلي ياست مبروكه...

تدخل الست مبروكه بسم الله الرحمن الرحيم...

مي اهلا وسهلا...

مبروكه اهلا يا مي...

مي ايه ده انتي تعرفي اسمي...

مبروكه كله ظهر قدامي اول ما دخلت البيت مي وجوزك اسمه عمر متجوزين من 6 اشهر تقريبا...

مي بندهاش ايوة فعلا مضبوط...

تقعد الست مبروكه وتاخد منها الفنجان تبص فيه بس للاسف جوزك مش مقدر الجوهره اللي ف ايديه...

مي ايه ازاي عمر بيحبني...

مبروكه كان يابنتي كان قبل ما تلف عليه واحده باينه عندي ف الفنجات اهيه...

مي تعرفي هيا مين...

مبروكة باين عندي الاسم نهى ...

مي نهى السكرتيرة... 

مبروكه ايوة كل يوم ندخله المكتب تتدلع عليه لحد ما وقعته ف شباكها...

مي نهارك اسود ياعمر انا هطربقها ع دماغك..

مبروكه مش دلوقتي استني لما تتأكدي عشان متقوليش اني انا اللي بتبلى عليه...

مي وانتي هتتبلي عليه ليه هو انتي تعرفيه اصلا ماشي يا عمر انا هوريك.. 

تمشي مبروكة ويرجع عمر من الشغل حبيبي عامله ايه ايه مالك...

مي لا ولى حاجة غير هدومك ع ما اجهز الغدا...

يدخل عمر الاوضة يرن تليفونه تيجي مي تسمع...

عمر الو ايوة يا نهى ضبطي انتي كل حاجة انا مش هقدر اعمل حاجة معلش عشان مي متعرفش حاجة ميرسي اوي يا نهى ضبطي بقى شهر العسل هيكون ف الغردقة احجزيلنا ف اوتيل حلو كدة اسبوع مهو انا مقدرش اسيب الشركة اكتر من كدة ماشي سلام...

مي شهر عسل يا عمر دنتا معملتليش انا كدة ماشي ياعمر...

يخلص عمر المكالمه وياخد شور ويلبس ويخرج يتغدى تسلم ايدك يا حبيبتي مي مالك النهاردة هو حصل حاجة وانا مش موجود...مي هاه لا ياحبيبي مفيش حاجة....

تاني يوم يصحو ع الفطار وتكون مي بتقرا الجرنال ايه ده...

عمر ايه...مي زواج رجل الاعمال حازم عمرو من سكيرتيرته صحبك اتجنن باين...

عمر ايه الجنان ف كدة الراجل اتجوز...

مي والله يعني انت عاجبك انه يسيب مراته ويروح يتجوز حتت سكرتيره...

عمر ومالها السكرتيره يا حبيبتي مش بني ادمه وبعدين الراجل محتاج اللي تخليه مرتاح مش زي مراته الاولانيه كانت مطلعه عينه...مي انت بتفكر ازاي يا عمر يعني انت ممكن تعمل زيه ف يوم من الايام...

عمر حبيبتي بلاش تخاريف انا هروح الشركة سلام...

يخرج

 عمر وف نفس الميعاد يدق الباب تفتح مروة تلاقي الست مبروكه... 

مبروكه ايه مالك يا مي يا بنتي..

مي مش عارفة شكل كلامك كان صح...

مبروكه طيب اهدي يابنتي شوية كدة وروحيله الشركة عشان باين من الفنجان بتاعك النهاردة ان هيحصل حاجة... 

مي ايوة انا هروحله ويانا يا هيا يا عمر...

تروح مي الشركة وتقف ف ممر مكتب نهى تسمعها وهيا بتتكلم ف التليفون الو ايوة يا حبيبي حاضر شوية وهجيلك عشان نضبظ كل حاجة مع بعض عشان الفرح...

مي فرح فرح يا عمر وانا اللي اتجوزتك من غير فرح ولى شهر عسل...

تخلص نهى مكالمتها وتدخل لعمر...

مي معقوله كانت بتكلم عمر اكيد طيب ادخل عليهم ولى اعمل ايه انا استنى شوية وبعدين ادخل..

فضلت مي مستنيه شوية واقتربت من باب المكتب وفتحته مرة واحده لقت عمر ماسك ايد نهى...

مي ايه ده يا عمر...

عمر مي انتي ايه اللي جابك هنا...

مي طبعا مكنتش عايزني اجي اشوف خيانتك كدة ياعمر وانا اللي حبيتك تطلع بتخوني وعايز تتجوز عليا... 

عمر ايه التخاريف دي يامي...

مي تخارف انت فاكر انك هتضحك عليا بكلمتين انا عارفة كل حاجة انا همشي يا عمر وابقى ابعتلي ورقتي ع بيت بابا...

عمر مي مي استني هنا خلينا نتكلم انتي فاهمه غلط...

مشيت مي ومردتش عليه...

نهى انا اسفه والله يا فندم مكنش قصدي انا كنت ماشيه واتكعبت ف السجادة...

عمر انتي ملكيش ذنب يا نهى انا مش عارف مالها انا هروحلها افهمها دلوقتي...نهى ماشي يافندم انا كمان متضريه امشي انت عارف فرحي اخر الشهر ولازم اروح مع احمد اشوف التجهيزات...

عمر اه ربنا يتمملكو ع خير...

نهى ايوة صح انا حجزتلك انت ومدام مي ف الغردقة زي ما طلبت...

يتنهد عمر مش لما اروح اشوف مالها الاول وانا اللي كنت عايز اعوضها واعملها شهر عسل عشان معملناش اول ما اتجوزنا...

نهى ان شاء الله خير يا فندم دي فرصة ممكن تصالحها بالسفرية دي...

عمر ان شاء الله ربنا يهديها...

توصل مي البيت وهيا متعصبه...

مروة خير يا مدام مي مالك متعصبه كدة...

مي كلام مبروكة كله كان صح انا خلاص هسيبله البيت وامشي...

مروة مش قلتلك يا ستي دي ست سرها باتع دي ياما كشفت ناس كتير بس انتي هتمشي انا هروح فين...

مي تعالي ساعديني اجهز شنطتي عشان امشي قبل مايرجع.. 

يرجه عمر يلاقي البيت مظلم يدخل ينادي مي ويدور عليها يلاقيها واخده كل حاجاتها ايه الجنان ده بقى ياربي ينزل عمر من البيت ويروح بيت حماته اللي قاعده فيه مي معاها...

سعاد(ام مي) اهدي يا بنتي ايه اللي حصل بس...

ت

حكيلها مي كل حاجة...

سعاد ايه التخاريف دي يا بنتي وانتي ازاي اصلا تدخلي واحده زي دي بيتك وكمان تصدقيها وتشكي ف جوزك اللي انتي عارفة هو بيحبك قد ايه وحارب وتعب كتير عشانك...

مي بس انا سمعاه وهو بيتفق معاها ع شهر العسل ولما رحت سمعتها بتكلمه وقالتله هجيلك دلوقتي عشان نتكلم ف تجهيزات الفرح ولما دخلت عليهم كان ماسك ايديها بعد كل ده مش عيزاني اصدق كلامها...

سعاد ايوة المفروض متصدقيش واحدة نصابه زي دي..مروة ازاي تقولي كدة يا هانم الست مبروكه دي كل الناس يشهدولها ياما قالت لهم حاجات وطلعت صح وحقيقه...

يخبط الباب...

سعاد طيب قومي افتحي...

تفتح مروة لعمر وتدخل المطبخ تتكلم ف التليفون...

مي انت ايه اللي جابك هنا...

عمر مي خلينا نتكلم شوية ياحبيبتي مالك كدة..

مي مالي ولى حاجة اكتشفتك ع حقيقتك ياعمر...

عمر حقيقه ايه...

مي عايز تتجوز عليا ياعمر بعد كل الحب ده...

عمر اتجوز عليكي ايه بس جبتي الكلام ده منين...

مي ايوة ياعمر هتتجوز نهى...

عمر ههه نهى...

مي ايوة ياعمر نهى اللي كنت بتتفق معاها ع شهر العسل ف الغردقة واللي رحت مكتبك وقاطعتكو ياحرام وانتو بتتفقو ع تفاصيل الفرح واللي دخلت مكتبك لقيتك ماسك اديها هو ده وعدك ليا ياعمر بس كان لازم اعرف ان اللي فيه طبع عمره ما يغيره انا غلطانه اني سامحتك اول مرة وعديتها واتجوزنا...

عمر والله شكرا يا مي لطيب اخلاقك بس انتي ظلمتيني المرة اللي فاتت وادي المرة دي كمان بتظلميني ويمشي عمر...

سعاد والله حرام عليكي كدة مفيش معاكي اي دليل ع كلامك ده غير كلام الست الخرفانه اللي جتلك خرابه البيوت اسمعي بقى يامي انتي بكرا هتروحي بيتك وتقعدي تتكلمي بهدوء مع جوزك كدة وتفهمي منه لانه بجد شكلك ظلماه...

مي انا بحبه ياماما ومش عيزاه يسيبني ويروح يتجوز واحده تانيه...

تاني يوم...

مروة معلش ياست مي انا متضره امشي..

مي ليه يامروة احنا كنا هنرج بيتي النهاردة... 

مروة اصل ابني تعب شوية ولازم اروح افضل معاه...

مي ماشي الف سلامه عليه اتفضل باقي حسابك...

مروة شكرا...

مي ماما انا هروح البيت كدة واجهز الدنيا قبل ما عمر يجي عشان نقعد نتكلم...

سعاد ايوة اديله فرصة يدافع عن نفسه واسمعيه...

تروح مي بيتها وتفتح الباب تلاقي كل حاجة مرمية ع الارض حاجات كتير مسروقه من البيت...ت

تصل مي بعمر الو ايوة يا عمر..

عمر ايه يا مي مالك...

مي انت كنت بايت فين امبارح...

عمر مقدرتش ارجع البيت وانتي مش فيه فكنت بايت عند اختي...

مي طيب ارجع البيت بسرعة البيت اتسرق...

عمر ايه طيب انا جاي حالا... 

يتصل عمر بالبوليس ويجو يحققو...

الظابط بس مش غريبة ان مفيش اي كسر لا ف باب ولى شباك يبقى الحرامي دخل ازاي ده اكيد كان معاه مفتاح فيه حد غيركم معاه مفتاح للبيت...

مي مروة الشغالة...ع

مر وانتي بتديها مفتاح ليه دي وهيا لسى جديدة ومش واثقين فيها...

مي الله يا عمر مهيا احيانا بتنزل تشتري حاجات...

الظابط وهيا فين...

مي لا هيا النهاردة قالتلي انها مش هتقدر تكمل معايا وان ابنها تعبان وهتروحله...

الظابط ماهي باينه اهيه يبقى اكيد هيا اللي ورا الموضوع احنا هندور عليها لحد ما نلاقيها...

عمر اتفضلي يا مي اوديكي عند مامتك ع مانضبط البيت تاني... 

مي طيب ياعمر كنت جايه عشان اتكلم معاك...

عمر مش واقته يا مي...

مي مالك ياعمر...

عمر ربنا يستر فيه ورق مهم كنت حاطة ف البيت هنا ع اساس انه آمن من الشركة واهو اتسرق مع الحاجات اللي اتسرقت...

مي ايه ورق ايه ده ياعمر طيب استنى ندور عليه...

عمر ندور ع ايه بقى مخلاص رحت ف داهيه واللي كان كان...مي طيب اهدى ياحبيبي انا جنبك....

تعدي ايام وبعدها يتم القبض ع مروة وعصابتها ويرجعو كل حاجة سرقوها ويطلبو مي وعمر يتعرفو عليهم يروحو مي وعمر القسم ويدخلو المتهمين...

مي ايه ده انتي...

الظابط ايوة يا مدام مي دي قارئة الفنجان رئيسه العصابه بتبعت بنات تبعها يشتغلو ف البيوت وبعدها بتروح تخرب بيت الناس دول ولما البيت يفضى بتتم السرقة زي ماحصل معاكو كدة...

عمر ايه انا مش فاهم حاجة تحكيله مي انا اسفه ياعمر اني صدقتها وبعدين تصرفاتك بعدها وكلامك خلوني اصدق كلامها اكتر...

عمر كل ده كدب ياحبيبتي نهى اصلا مكتوب كتابها واللي كانت بتكلمه ده جوزها مش انا وانا لما كنت بكلمها كنت بتفق معاها تحجزلي انا وانتي نسافر عشان اعوضك عن شهر العسل اللي معملنهوش زمان...

مي بجد ياعمر... 

عمر ايوة ياحبيبتي...

مي بحبك...

عمر وانا كمان...

جروب بحر الخيال على الفيس بوك