فنجان قهوه بقلم فايزة احمد

هناك أشخاص تلتقى بهم عن طريق الصدفه....ليصبحو بتلك الصدفه أعز الناس إلى قلبك
_______________فنجان قهوه_____________________
أشرقت شمس يوم جديد و تخلل ضياؤها من نافذة غرفة هبه فأفاقت من نومها و ذهبت الى الحمام لتأخذ شاور و انتهت منه و ارتدت ملابسها و نزلت من بيتها متجهه إلى الكافتريا القريبة من بيتها لكى تستمع بفنجان القهوه الصباحي كعادتها اليوميه قبل ذهابها لعملها
_____________________________________
فى الكافتريا..بعد أن انتهت من شرب فنجان القهوه..قامت كى تذهب لعملها..لكن عندما تقدمت خطوتان للأمام اصطدم بها ويتر و كان يحمل معه قهوه..فالتفتت له بغضب لكنها اكتشفت انه ليس غلطه بل غلط شخص آخر صدمه مما جعل الويتر يصطدم بها
الويتر:انا اسف والله يا انسه هبه مكنش قصدى
هبه:ما هو مش غلطك..الغلط ع الأعمى اللى وراك اللى خبطك
....:اسف يا انسه و الله كنت مستعجل و خبطت فيه من غير قصدى و هو خبط حضرتك
هبه بغضب:اعمل ايه بأسفك الوقتى و هدومى كلها بقت قهوه..أروح الشغل ازاى الوقتى و كمان عالبال ما أروح أغير هدومى هكون اتأخرت ع الشغل
....:انا مش عارف اتأسف لحضرتك ازاى..طب انا ممكن اوصلك فى اى مكان انتى عايزاه
هبه:لا مستغنيه عن خدماتك
التفتت هبه كى تخرج لكن اوقفها صوته و وقف أمامها
...:يا انسه بس ثوانى والله مش عارف اتاسفلك ازاى..بس والله انا كنت مستعجل عشان كده اتخبطت فى الويتر..انا ممكن اصلح غلطتى دى و اوصل حضرتك لأى مكان ما هو حضرتك مينفعش تمشى فى الشارع كده
هبه بنرفزه:قولتلك مستغنيه عن خدماتك و بعدين انت مش بتقول انك مستعجل..اتفضل بقا روح شوف وراك ايه و متعطلنيش اكتر من كده
....:لا مش مهم اتأخر ع شغلى بس لازم اصلح الغلط اللى حصل ده
هبه:قولتلك مش عايزه منك حاجه..ابعد بقا من قدامى خلينى امشى
قالت كلماتها هذه و اتجهت خارج الكافتريا و أيضا سيف خرج من الكافتريا و اتجه لسيارته لكن لفت نظره انها تحاول تقود سيارتها لكنها متوقفه و لا تتحرك و اتضح له انها معطله..ذهب فى اتجاه هبه
نزلت هبه من سيارتها بعصبيه شديده:هو شكله يوم اسود من أوله..من شويه اتبلى بواحد اهبل يوقع القهوه عليا و الوقتى العربيه عطلت..اعمل ايه ياربى الوقتى
انتبهت لصوت خلفها:يا انسه
فالتفتت خلفها فوجدته يقف أمامها فتملكها الغضب عندما رأته
هبه بغضب:فى ايه تانى؟
سيف:يا انسه حضرتك عصبيه ليه كده..ممكن تهدى شويه
هبه:عصبيه عشان شوفت خلقتك ع الصبح
سيف:انا اتأسفت لحضرتك ع الموقف اللى غير مقصود ده
هبه:طب خلاص..أنت عايز ايه الوقتى؟
سيف:انا أخدت بالى ان عربيتك عطلت..تسمحيلى اوصلك..ارجوكى مترفضيش
هبه ظلت صامته لدقائق:ماشى موافقه
سيف ابتسم:متشكر انك قبلتى أسفى
هبه:العفو بس ممكن تخلصنى بقا و توصلنى عشان الحق أغير هدومى و انزل أروح شغلى
سيف:حاضر..اتفضلى عربيتى هناك اهى
ركبت هبه معه فى السياره
_____________________________________
فى السياره..يسود الصمت بينهم لكن يقطع هذا الصمت صوت سيف عندما أصدر صوت
سيف:إحم إحم
نظرت هبه له بطرف عينها و تجاهلته
سيف:انا متشكر انك قبلتى اسفى و قبلتى انى اوصلك
هبه:خلاص خلصنا بقا
سيف:انا اسمى سيف
هبه بغضب:تعرف تسوق و انا ساكت عشان انا مش طايقاك
سيف:حاضر..انا أسف....ثم اكمل كلامه بنبرة تريقه....امشى ازاى حضرتك؟
هبه:انت ليك نفس تتريق؟
سيف:اعملك ايه طيب..عمال اتاسفلك و انتى عماله تزعقيلى و مش طايقانى خالص..زى ما اكون قتلتلك قتيل
هبه:ممكن تبطل خفه ع الصبح و تسوق و انت ساكت
سيف بنفاذ صبر:حاضر..ممكن بقا تقوليلى امشى ازاى
هبه:خليك عالطول لغاية ما تعدى الشارع الجاى
سيف التفت و نظر لها:هو انت بيتك قريب من هنا؟
هبه:اه..فيه عندك مانع؟
سيف:لا معنديش
هبه:خلاص سمعنا سكاتك شويه
سيف بهمس:أعوذ بالله
التفتت هبه و نظرت له بضجر و غيظ و كادت ان تتكلم لكن تليفون سيف رن..سيف امسك الهاتف و رد ع المتصل
سيف:أيوه يا مروان..لا أتصرف و أجل الاجتماع ساعه لانى حصل ظروف و هتأخر شويه..لاء خير أن شاء الله بس اعمل اللى قولتلك عليه و انا ساعه و هكون عندك..لا لا مش هتأخر..ماشى سلام
هبه بغيظ:يارب تترفد من شغلك زى ما اتسببت انى اتأخر عن شغلى
سيف إلتفت و ابتسم لها و لم يرد و ارتدا نظارته الشمسيه و عاد ينظر أمامه للطريق..هبه نظرت له بغيظ و صمتت..بعد مرور وقت قصير
هبه:بس أقف هنا
سيف:وصلنا؟
هبه:ايوه
سيف:طب الحمد لله..اى خدمه يا سيتى
هبه:ايه سيتى دى..انت هتصاحبنى؟
سيف:ما انت مقولتليش اسمك ايه و متنرفزه عليا و مش عطيانى فرصه أتكلم
هبه:تصدق انك غلبان و صعبت عليا
سيف ضحك اوى:تصدقى دمك خفيف
هبه:و انت دمك ثقيل
سيف:الله يكرمك
القت له هبه نظرة غضب و نزلت من السياره
_____________________________________
صعدت العماره و بعد وقت قصير نزلت مره اخرى فوجدت سيف يقف فى مكانه و يبتسم لها..حاولت أن تتجاهله لكن اوقفها عندما وقف أمامها
سيف بابتسامه:تسمحيلى اوصلك؟
هبه:انت هتتعود ع كده و لا ايه..هو انت شغال شوفير؟
سيف:معلش بقا ما هو الغلط غلطى من الأول و لازم اتحمل نتيجة أخطائى طالما انك لسه متعصبه منى
هبه:انا لا متعصبه و لا حاجه و شكرا ع التوصيله..ممكن بقا تسيبنى عشان متأخرش اكتر من كده
سيف:لو مش متعصبه بجد ياريت تقبلى اوصلك لشغلك عشان تحلقى تروحى
هبه نظرت له و ركبت السياره بدون ما تتكلم معاه..قاد سيف السياره و اوصلها إلى عملها و بعد ذلك ذهب إلى عمله
_____________________________________
تانى يوم..سيف ذهب للكافتريا فوجد هبه جالسه فاتجهه نحوها و وقف أمامها
سيف بابتسامه:صباح الخير
هبه نظرت له بعدم اهتمام:صباح النور
سيف:تسمحيلى اعد معاكى؟
هبه:ليه..ما الترابيزات و الكراسى فاضيه اهى
سيف:اه ما انا عارف..بس انا قولت اجى أشوفك اذا كنتى لسه زعلانه؟
هبه:خلاص مش زعلانه..انا نسيت الموضوع ده و خلصنا بقا
سيف بابتسامه:طب ممكن بقا اعد أشرب قهوتي معاكى عشان اتأكد انك مش زعلانه
هبه ابتسمت و اومأت رأسها بالقبول..سيف أيضا ابتسم لابتسامتها و جلس ع الكرسى المقابل لكرسيها ع نفس الطاوله
سيف:متشكر انك سامحتينى ع غلطتى بس بجد كنت مستعجل لأن كان عندى اجتماع و اتأخرت عليه
هبه:انت بتشتغل ايه؟
سيف:انا اسمى سيف الزينى و عندى 29 سنه و بشتغل رئيس مجلس إدارة مجموعة شركات الزينى للاستيراد و التصدير
هبه بدهشه:انت مدير الشركه..انا اسمع عنها الشركات دى ماشاء الله مشهوره..بس انت سنك صغير ع انك تكون امبراطوريه زى دى..ماشاء الله يعنى مش بنق
سيف ضحك:لا عادى براحتك..الشركات دى اللى أسسها والدى الله يرحمه و انا ابقا وريثه الوحيد و من بعد ما مات انا مسكت كل شىء
هبه:اه عشان كده..الله يرحمه....ثم اكملت حديثها بهزار....بس انت ازاى مدير الشركه و تروح متأخر عن الاجتماع..خليت ايه للموظفين؟
سيف ضحك:أصل انا معرفش ابدء يومى من غير فنجان القهوه الصباحى و امبارح كنت مندمج مع القهوه و انا بشربها فسرحت و نسيت نفسى
هبه ضحكت:و انا كمان معرفش ابدء يومى من غيره
سيف:طب طلع فيه حاجه مشتركه بينا اهو..مش ناويه تحنى عليا و تقوليلى اسمك؟
هبه ابتسمت:انا هبه عبد الرحمن و عندى 25 سنه و بشتغل سكرتيره فى الشركه اللى انت وصلتنى ليها امبارح
سيف:تشرفنا يا انسه هبه
هبه:الشرف ليا..انا عايزه اعتزرلك ع أسطوانة القردح بتاعة امبارح دى بس كنت متعصبه و مش فى وعيى
سيف ابتسم:و لا يهمك و اصلا الغلط كان غلطى
ظلو يتحدثو سويا الا ان مر الوقت بينهم
هبه:انا هقوم بقا عشان متأخرش..عن اذنك
سيف:تحبى اوصلك؟
هبه:لا شكرا العربيه بتاعتى خلاص اتصلحت..عن اذنك
سيف:اتفضلى
_____________________________________
مرت الأيام..سيف و هبه كل يوم يتقابلو سويا فى الكافتريا و يتناولو فنجان القهوه سويا و يتحدثو مع بعض فى أمور كثيره و سارو أصدقاء و الصداقه تحولت لإعجاب لكن لم يلمح اى طرف للآخر عن اى شىء..لغاية ما فى يوم ذهب سيف للكافتريا و ظل ينتظر هبه و لكنها لم تأتى فأصابه القلق عليها و حاول الاتصال ع هاتفها لكنها لم ترد عليه فأصابه القلق أكثر عليها فقرر أن يذهب لها فى عملها
_____________________________________
فى الشركه التى تعمل بها هبه..دخل سيف و سأل عن مكتبها و ذهب لها..دق باب المكتب و دخل فوجدها تجلس ع مكتبها
سيف بلهفه:مالك يا هبه..انتى كويسه
هبه اتسعت عيناها عندما رأته أمامها و رأت القلق و اللهفه يبدو ع ملامحه و فى صوته فارتبكت و لم تستطع الرد
سيف:هبه مالك؟
هبه ابتعلت ريقها:لا مفيش حاجه
سيف:اومال فى ايه..انتى قلقتينى عليكى..مجتيش الكافتريا ليه و بتصل بيكى مش بتردى عليا و الوقتى بكلمك متنحه و مش بتردى؟
هبه:انا الحمد لله كويسه بس كنت مشغولة النهارده..قولت ابقا أشرب قهوتى هنا فى المكتب
سيف:قلقتينى عليكى
هبه بدهشه:قلقتك عليا؟!
سيف ابتسم:اه طبعا قلقت عليكى و خوفت كمان..هو انتى متعرفيش انك مهمه عندى و بخاف عليكى
نظرت له هبه بعدم تصديق لكلامه
سيف اقترب منها و امسك كف يدها و ابتسم:هبه انا بحبك
هبه اتسعت عيناها و ارتجفت و لم تملك القوه ع الكلام و الرد
سيف:مالك بتترعشى كده ليه و إيدك متلجه؟
هبه شفتيها بترتجف و بتقطع فى الكلام:لا لا مفيش
سيف:انا بقولك انا بحبك..ايه ردك؟
هبه:سيف انا كمان....ثم صمتت
سيف:انتى ايه يا حبيبتى..انطقيها عشان خاطرى
هبه نظرت له بخجل عندما سمعت كلمة حبيبتى فأخفضت رأسها للأرض
سيف رفع وجهها بيده و ابتسم:انا بحبك و عايز أسمعها منك عشان اتأكد انك بتحبينى
ابتسمت هبه و اومأت رأسها بنعم
سيف:لا لا مينفعش..انا عايز أسمعها منك
هبه بصوت منخفض:و انا كمان بحبك
ابتسم سيف:مش سامع..علي صوتك شويه
لكمته هبه فى كتفه بخفه و ابتسمت
سيف:عشان خاطرى علي صوتك شويه
هبه ابتسمت بخجل و رفعت صوتها شويه:و انا بحبك يا سيف
سيف لمعت عينيه بالسعادة و ابتسم:تقبلى تتجوزينى؟
هبه بخجل:موافقه
سيف طبع قبله ع كف يدها:انا أسعد مخلوق فى الوجود يا روحى
هبه خجلت ارتبكت و جذبت كف يدها من يده فاصطدم بفنجان القهوه الموجود ع المكتب فوقع ع بنطلون سيف
سيف ضحك:انتى بتردهالى و لا ايه؟
هبه ارتبكت:اسفه والله مكنش قصدى
سيف ابتسم:و لا يهمك يا روحى..فداكى الدنيا كلها....ثم اكمل حديثه بهزار....بس يعنى ينفع كده توافقى ع الجواز و تدلقى القهوه ع بنطلونى
هبه:انا و القهوه فى بينا صداقه و كانت لازم تعطينى موافقتها ع الجواز
سيف:انا كنت بحب القهوه لكن الوقتى بعشقها
هبه ابتسمت بخجل و صمتت
سيف:انتى لسه هتتكسفى يلا يا هانم قدمى استقالتك مراتى تشتغل معايا مش عند حد غريب
هبه ابتسمت:حاضر
سيف:يلا بسرعه عشان نحدد معاد الفرح
هبه ضحكت:أغرب جوازه شوفتها..حب اتولد بسبب فنجان قهوه
_______________النهايه______________________

جروب بحر الخيال على الفيس بوك