جمال الروح بقلم سارة محمد

تشرق الشمس في صباح يوم جديد تدخل فوزية حجرة ابنتها لتوقظها...
فوزية ندى يا ندى...
ندي ايه ياماما صباح الخير...
فوزية صباح النور يا حبيبتي مش يلا تصحي بقى...
ندى حاضر ياماما صحيت اهو عمله فطار ايه...
فوزية كل اللي انتي بتحبيه بيض بالبسطرمة وفول وجبن بقى وشوية حاجات كدة ادخلي خدي دوش ع ما اصحي اخوكي...
ندى ماشي ياماما...
تدخل ندى تاخد دوش وتطلع صباح الخير يا خالد...
خالد صباح النور يا حبيبتي...
ندى ايه نازل شغلك...
خالد ايوة...
فوزية عقبالك يا بنتي لما تلاقي شغل بقالك 3 سنين متخرجه...
ندى يلا بقى ياماما انتي عارفة اللي فيها...
فوزية ياحبيبتي انتي اعملي اللي عليكي وربنا هيوفقك...
ندى اعمل ايه يعني هتقوليلي اروح لدكتور تاني وامشي ع دايت والكلام اللي مش بيجيب نتيجه ده انا تعبت من الحاجات دي وخدت قراري ان انا هفضل كدة واللي عاجبه بقى واللي مش عاجبه يبعد عني خالص...
يخبط الباب...فوزية انا هقوم افتح...
تفتح ايه ده سارة ازيك يا بنتي حماتك بتحبك تعالي افطري معانا...
سارة لا ياطنط انا فطرت قبل ما انزل انا كنت عايزة ندى ف موضوع مهم...
فوزية طيب اتفضلي يا بنتي...
خالد ايه ده سارة ازيك...
سارة انا الحمدلله انت عامل ايه...
خالد انا تمام اوي...
سارة وايه اخبار الشغل...
خالد الحمدلله ماشي حاله...
سارة ربنا معاك هيا فين ندى...
خالد اهيه ف اوضة السفرة ادخليلها...
سارة هو انا كل ما اجيلها تقولي ف اوضة السفرة...
خالد اهيه يا ستي اوضة السفرة دي تعتبر بيتها اللي مقيمه فيه 24 ساعة...
ندى ههه سمعتك يا ظريف تعالي يا سارة...
خالد طيب انا نازل الشغل بقى حد عايز حاجة...
فوزية شكرا ربنا معاك ياحبيبي...
سارة ايه يا نودا هتفضلي قاعدة كدة كتير ما تيجي نخرج شوية...
ندى نخرج فين...
سارة نروح نعمل شوبينج...
ندى وانا انزل اعمل شوبينج ليه وانا مش بلاقي حاجة مقاسي وبفصل كل حاجة...
سارة طب ننزل نتمشى طيب...
ندى بلاش بلاش انا بتضايق من نظرات الناس ليا...
سارة ليه يا ندى متحطيش ف بالك انتي فيكي حاجات حلوة كتير بلاش تحبطي نفسك وتحبسي نفسك بعيد عن الناس كدة اخرجي شمي هوا اتفسحي افرحي...
فوزية والنبي تقوليلها يا بنتي دي حابسة نفسها خالص قومي يا ندى قومي يا بنتي الله يرضى عليكي انزلي شوية...
ندى ماشي امري لله هنزل...
سارة ماشي ادخلي البسى وانا مستنياكي اهو...
تلبس ندى وتنزل مع سارة...
سارة هاه تحبي نروح فين...
ندى تعالي نروح ع البحر...
يروحو يقعدوا ع الكورنيش قدام البحر...سارة ندى انتي عارفة انتي غالية عليا ازاي...
ندى عارفة طبعا انتي اختي يا بت...
سارة وعشان انتي اختي عايزة ارجعك زي زمان...
ندى صعب...
سارة ليه ياندى اليأس ده انتي جميله ياندى مش عشان وزنك زاد شوية خلاص تدفني نفسك لا انتي لازم تثقي ف نفسك وتشوفي حياتك...
ندى اعيش حياتي ازاي ياسارة ولى وظيفه راضية تقبلني والبني ادم اللي حبيته محبنيش عشان شكلي ده وبعد عني...
سارة كل دي مش مبررات للي انتي عملاه ف نفسك ده ياندى انتي مبقيتيش تنزلي من البيت خالص وبطلتي تدوري ع شغل كأنك خلاص استسلمتي حاولي ياندى تاني اوعديني انك ترجعي زي زمان وثقتك ف ربنا وف نفسك تبقي كبيرة...
ندى هحاول ياسارة...
سارة طيب يلا بينا نتمشى شوية...وهما بيتمشو واحد بيوزع ورق تاخده سارة وااو مسابقة لاختيار مذيعات للاذاعة دي حلوة جدا تيجي نقدم...
ندى نقدم ايه انتي التانية...
سارة ايوة يا ندى انتي صوتك حلو وممكن تتقبلي نجرب مش هنخسر حاجة...
ندى والنبي انتي مجنونة وهتودينا ف داهيه...
سارة يا ندى يا حبيبتي هيا الحياة كدة محتاجة جنان والحياة تجارب هنسجل انا وانتي...
ندى لا طبعا يا سارة...
سارة ليه...
ندى عشان انا واثقة اني مش هتقبل...
سارة طيب جربي ومش هتخسري حاحة...
ندى لا هخسر تريقة الناس عليا مش كفاية كدة ده سبب كافي اني مقدمش...
سارة كدة يا نودي والله ازعل منك بلاش اليأس ده بقى نجرب هاه ماشي..
.ندى ماشي يا ستي اخلصي..تبوسها سارة حبيبتي انودى...ندى مجنونة والله...يسجلو...ندى بس اعرفي اني بس هروح عشانك ومتأكدة اني مش هتقبل بس يلا عشان اخلص من زنك...
سارة ماشي يا ستي...
يرجعو البيت...خالد حمدلله ع السلامة ايه انا ماما لما قالتلي انك خرجتي مصدقتش...
ندى هيا سارة اللي زنت عليا انزل معاها فقلت انزل شوية...
خالد لا دي سارة تيجي كل يوم بقى اذا هيا اللي هتخليكي تنزلي...
سارة طيب استأذن انا بقى...
فوزية ليه استني اتعشي معانا...
سارة لا ياطنط انا وندى كلنا برة...
ندى وانتي بتسمي اللي احنا كلناه ده اكل تعالي يلا...
سارة لا يابنتي والله بطني اتملت وكمان انا اتأخرت جدا...
خالد ايوة فعلا انتي اتأخرتي جدا ومينفعش تنزلي لوحدك دلوقتي استني اجي اوصلك...
سارة لا مش عايزة اتعبك...خالد ولى تعب ولى حاجة يلا...سارة ماشي اتفضل...ينزلو يركبو عربية خالد...
خالد سارة انا...
سارة ايه يا خالد...
خالد سارة انا عايز اتكلم معاكي ضروري...
سارة طيب اتفضل انا سمعاك...
خالد لا مش دلوقتي ممكن نتقابل بكرا نتغدى مع بعض...
سارة اوكي سلام اشوفك بكرا...
خالد سلام يمشي خالد في طريقة للبيت هتفضل طول عمرك جبان ومش قادر تقولها خايف تطلع مش شيفاني اصلا بس انا لازم اقولها اللي ف قلبي هستجمع كل قوتي واكلمها بكرا...
ندى ايه يا عم حكايتك...
خالد ايه...
ندى خالد انت اخويا وانا حاسه بيك وكمان عينيك فضحاك بس احب ابشرك ان سارة كمان معجبه بيك دي ع طول بتمدح فيك...
خالد بسعادة بجد...
ندى ايوة صارحها انت بمشاعرك وان شاء الله تكون ليك...
خالد يارب يا نودي وانتي كمان يجيلك اللي يحبك ويحطك ف عنيه...
تتضايق ندى اهو ده المستحيل بعينه...
خالد ليه كدة يا ندى انتي فيكي حاجات كتير حلوة هو الواحد عايزايه غير واحدة تحبه وتكون طيبة ومحترمه وعسليه زيك كدة...
ندى ربنا يخليك يا خالد والله ديما رافع معنوياتي يلا روح نام بقى عندك شغل الصبح...
خالد ماشي يا حبيبتي تصبحي ع خير...
ندى وانت من اهله...
ينامو كلهم وتفضل ندى تفكر هييه هتفضلي كدة لحد امتى يا ندى...
تاني يوم تصحى ندى ع رسالة هتغير حياتها خالص فتتصل بسارة الو ايوة يا ست سارة عجبك كدة...
سارة ايه مالك ايه اللي مضايقك...
ندى اهو الاذاعة بعتولي عندي مقابله بكرا...
سارة بجد طب الف مبروك هو ده اللي مضايقك...
ندى ايوة عشان انا عارفة اني مش هتقبل يعني الحكاية تضيع وقت...
سارة عادي انتي وراكي حاجة اصلا هعدي عليكي بالليل عشان نشوف هتلبسي ايه...
ندى ماشي يا ستي سلام...
ع الغدا يروح خالد ياخد سارة ويروحو مطعم...
خالد ايه مالك متوترة كدة ليه...
سارة اصل عمري ما خرجت مع حد غريب...
خالد هو انا غريب سارة انتي تعرفيني من زمان اوي وتعرفي كل حاجة عني وكل ظروفي...
سارة طبعا يا خالد احنا عشرة عمر...
خالد طيب كويس انتي ايه رئيك فيا...
سارة بخجل رئي فيك من ناحيه ايه...
خالد يعني هل انتي تقبلي تكملي حياتك معايا...
تتفاجأ سارة وتبصله وتتوتر ومتقدرش تقول حاجة...
خالد سارة انا بحبك من زمان ومكنتش اقدر اصارحك بكدة بس دلوقتي بشتفل ف اكبر شركات البلد والحمدلله حالي متيسر يعني دلوقتي اقدر اتجوز اللي حبيتها الا اذا بقى هيا رافضه ومش بتحبني...
سارة لا ازاي تقول كدة...خالد بعني هيا كمان بتحبني...
تهزسارة راسها بخجل...
خالد لا انا عايز اسمعها...
سارة ايوة بحبك يا خالد...
خالد بجد انا مش مصدق نفسي كلمي باباكي بقى عشان اجي اخطبك منه...
سارة بجد يا خالد...
خالد ايوة يا قلب خالد...
سارة طب يلا نقوم نروح بقى انا رايحه لندى...
خالد ماشي يلا بينا...
سارة اصل نودي عندها مقابله بكرا لشغل...
خالد بجد اخيرا يارب تتقبل بقى بس ازاي اقتنعت انها تقدم...
سارة اصل انا اقنعتها تقدم وانا هقدم معاها بس قدمتلها هيا وانا لا...
خالد برافو عليكي جوهرة هدية ربنا باعتهالنا...
تروح سارة لندى وتنقي معاها لبس عشان تلبسه بكرا ف المقابلة..تفضل ندى طول الليل مش عارفة تنام بتفكر هل ممكن الدنيا تضحك لها وتتقبل ولى هتضحك عليها كالعادة...

جروب بحر الخيال على الفيس بوك

تاني يوم الباب يخبط يفتح خالد يا صباح الفل والياسمين والعسل كله عليكي هو القمر بيطلع الصبح ولى ايه...
سارة بس يا خالد بقى هيا فبن ندى...
خالد مش عارف تقريبا لسى مصحيتش...
سارة ياخبر كدة هنتأخر...
خالد طيب ادخليلها... 
تدخل سارة تلاقي ندى لابسه وجاهزة...
سارة اوو انا اتخضيت لما خالد قاللي انك لسى نايمه قلت هنتأخر...
ندى لا انا اصلا معرفتش انام...
سارة ليه يا بنتي كدة...
ندى بفكر هل الدنيا هتديني فرصة ولى هتدبني ع قفايا...
سارة ثقي ف الله يا ندى وان شاء الله ربنا هيوفقك وهيكرمك ياندى يا بنت طنط فوزية...
فورية ياصباح النور ايه النشاط والحلاوة دي صاحيين بدري كدة ياا تعالو جهزت الفطار...
ندى لالا مليش نفس...
فورية لا ازاي تنزلي من غير فطار...
ندى مفيش وقت...
فوزية يلا بس هعملك سندوتشين كوليهم ف الطريق...
ندى فيه عيش صابح....فوزية اه وطعميه سخنه وفول بالزيت الحار...
ندي تمام اوي يبقى 3فول و3 طعميه وشوفي سارة هتاكل ايه..
سارة لا واضح ان ملكيش نفس يلا يا ندى هنتأخر كدة...
خالد طيب تحبو اوصلكو...
سارة بلاش عندك شغل...
خالد لا لسى الميتنج اللي عندي كمان 3 ساعات...
ندى ماشي يلا...
يركبو مع خالد ف الطريق..
.ندى وقف هنا يا خالد...
خالد ايه يا ندى...
ندى معلش ياخالد هاتلي اي حاجة اشربها الطعميه معطشاني جامد...
خالد ماشي ياستي...
ينزل خالد يجيب 3عصير قصب ويركب ويكملو الطريق يوصلو للمكتب اللي فيه المقابله...
سارة مالك يا ندى...
ندى متوترة وقلقانه جدا...
خالد طيب اهدي ربنا يوفقك انا متضر امشي بقى عشان الميتنج سلام...
يدخلو ويبصو حواليهم يلاقو اجمل بنات مصر مقدمين...
ندى يلا يا سارة نمشي من هنا ده مين الاهبل اللي هيسيب دول ويختارني انا..
.سارة يابنتي استني بس نستنى دورك ونشوف بفضلو يستنو دورهم ويطلع المسؤول عن المقابلات كل شوية ينادي واحدة ويختار البنات الجميلات تدخل لرئيس المحطة يعملها اختبار وتفشل يخلصو كلهم وميتبقاش غير ندى...
ندى اهو شفتي اديهم قابلو كل الحلوين ولطعوني انا وهيطلع دلوقتي الاصلع ده يقولي اتفضلي من هنا...
سارة يابنتي اصبري بس...
سالم يعني ايه يا مجدي مقابل دلوقتي 40واحدة ولى واحدة فيهم تنفع انا تعبت خلاص هو باقي حد تاني برة...
مجدي باقي واحدة يافندم بس متنفعش خالص يعني...
سالم ليه مالها...
مجدي هو جسمها يعني...
سالم ماله جسمها...
مجدي هيا تخينه يا فندم...
سالم وايه يا عني يا ابني احنا اذاعة مش تلفزيون مش مهم الشكل المهم الصوت خليها تيجي يمكن الامل يكون فيها...
مجدي متفائل اوي...
يخرج مجدي انسه ندى علي اتفضلي دورك جه...
تدخل ندى ومعاها سارة...ندى صباح الخير يا فندم...
سالم صباح النور انا سالم الاسيوطي مدير المحطة كنت بدور ع صوت هادي وجميل لبرنامج رومانسي صباحي جاهز عشان الاختبار...
ندى طبعا يا فندم اتفضل...
سالم هتلاقي عندك ورق الاعداد بتاع البرنامج سمعيني بقى بروفه...
ندى صباح الخير مستمعينا ف كل مكان صباحكو احلى معانا ع راديو عشاق معاكم ندى علي واول حلقة من برنامج عيش صباحك معانا البرنامج مليان فقرات ومواضيع مختلفة لمده ساعة ونص نستقبل مشاركاتكم واتصالاتكم ع رقم0100500 او ع صفحتنا ع الفيس بوك...يقوم سالم يقف ويصفق لها برافو صوت واداء رائع بجد...
ندى بجد عجبك...
سالم طبعا يا بنتي دنا كان جالي احباط حسيت اني مش هلاقي الصوت اللي انا عايزة بس الحمدلله بعد 40 واحدة اختبرتهم النهاردة انتي الصوت اللي انا محتاجه فيكي كل المواصفات عايز بقى اضبط فريق البرنامج كله عشان نبدأ من الاسبوع الجاي...
ندى انا متشكرة جدا...
سالم دنا اللي متشكر ليكي بجد تيجي بكرا ان شاء الله عشان اعرفك ع باقي الفريق...
ندى ماشي يا فندم مش هتأخر...
سالم ماشي تمام يا ندى انا هحطك شهر تحت الاختبار وبعديها ان شاء الله اثبتك...
ندى تمام يا فندم...
خرجوا...ندى انا مش مصدقة يا سارة اخيرا اشتغلت...
سارة شفتي مش قلتلك...
ندى بس استاذ سالم شكله محترم جدا مخدش بالشكل كان مرضيش يقابلني اصلا...
سارة لا يا نودي لانه شافك من جوا يلا خلينا نرجع البيت نفرح طنط..
ندى ماشي يلا...
يروحوا البيت...فوزية هاه يا بنتي ايه الاخبار طمنيني...
ندى ايه يا ماما زي كل مرة يعني هعمل ايه يعني يلا مصيري كدة...
فوزية لا اله الا الله معلش يابنتي ربنا هيفتحها ف وشك قادر يا كريم ويوقفلك ولاد الحلال...
ندى تقريبا ربنا استجاب لدعوتك ورزقني مدير الاذاعة دي اول حد يرضى يعملي مقابله اصلا راجل محترم جدا...
فوزية واستفدنا ايه بقى منه مهو اترفصتي زي كل اللي فاتو...
ندى لا يا امي اتطمني الحمدلله حطني شهر اختبار ولو نفعت هتثبت...
فوزية بجد ربنا يوفق يا بنتي وتتثبتي يارب وتزعرد...
يدخل خالد ايه خير فرحوني معاكو..
.سارة ندى اتقبلت...
خالد بجد الف مبروك يا حبيبتي...
ندى الله يبارك فيك يا حبيبي...
سارة طيب امشي انا بقى وبكرا يا ندى هاجي معاكي الاذاعة...
ندى طبعا يا بنتي لازم تيجي...
خالد طيب سارة استني اوصلك...سارة ماشي اتفضل...
ينزلو خالد وحشتيني اوي...
سارة يا سلام ما انت لسى شايفني الصبح...
خالد ده انتي لما بتغيبي عني ثانيه بتوحشيني بس قريب جدا تبقي جنبي ومسبكيش لحظه...
سارة يارب يا خالد...
تاني يوم تروح سارة تاخد ندى ويرحو الاذاعة...
سالم اهلا وسهلا احب اعرفكم دي ندى مذيعة البرنامجدول فريق الاعداد اللي معاكي يا ندى...
ندى اهلا وسهلا ان شاء الله هنعمل شغل حلو مع بعض...
سالم انا متأكد من ده اتفضلو انتو هقعد مع ندى شوية وهبعتهلكم مكتبها عشان تتناقش معاكو ف مواضيع البرنامج...
مريم ماشي يا فندم اتفضلو....يخرجو...
مريم بقى دي يختاروها مذيعة طب ازاي ومستر سالم طاير بيها كدة ليه دي متنفعش خالص وانا متأكدة انها مش هتكمل معانا ولى هتتثبت....
يمر اسبوع وندى وفريق الاعداد بيجهزوا للبرنامج...
ويجي يوم اول حلقة من البرنامج....
فوزية ربنا يوفقك يا بنتي ويسرلك طريقك...
سارة ايه يا نودا ما تهدي كدة شوية التوتر ده مش هينفعك خالص..
.خالد ندى حبيبتي ربنا معاكي يلا تعالو عشان اوصلكم...
سارة يا ابني مديرك هيطردك كدة...
خالد لا عادي متخافيش هو اصلا بيجي متأخر...ندى ماشي يلا بينا...يروحو الاذاعة...
سالم يلا يا ندى انا واثق فيكي جدا وواثق انك هتعملي حلقة تكسر الدنيا...
ندى ان شاء الله يا فندم هبقى عند حسن ضنك...
سالم انا متأكد من ده يلا اتفضلي هنطلع هوا بعد دقيقتين...123 هوا...

جروب بحر الخيال على الفيس بوك

ندى صباح الخير مستمعينا الاعزاء ف كل مكان صباح جديد وحلقة جديدة من برنامج عيش صباحك معانا ع راديو عشاق معاكم ندى علي البرنامج مليان فقرات كتير هعرفكم عليها بعد شوية وع ارقام الاتصال ولكن بعد ما نسمع اغنيه لفيروز نسم علينا الهوا وارجعلكم تاني...
يشغلو الاغنيه...ندى هاه ايه الاخبار...
سارة هايل يا ندى ولى ايه رئيك يا مستر...
سالم بجد خلصت فيكي كل الكلام...
تخلص الاغنيه...ندى ورجعنالكو تاني مستمعينا وبما ان دي اول حلقة ف البرنامج هعرفكو عليه شوية برنامجنا عبارة عن ساعة ونص من الحب مواصيع مختلفة كل يوم هستقبل آرائكم فيها وعملنا فقرة جديدة ف البرنامج يارب تعجبكم وهيا كرسي الاعتراف اي واحد عايز يعترف بحبه لحد او يعترف بغلطه ف حق حد التواصل معانا سهل جدا اما عن طريق الرقم ده 0100500 او عن طريق صفحتنا ع فيس بوك او هشتاج #عيش_صباحك_معانا ع تويتر...
في سيارة فخمه وجديدة...حسن ايه يا ابني اللي انت بتسمعه ده...
عمرو نعم مش عاجبك ايه اللي ركبك معايا اصلا...
حسن امال تشتري عربيه جديدة ومكنش انا اول حد يركبها معاك طبعا انت كنت عايزة واحده زي القمر هيا اللي تدخل عربيتك دي الاول بس انا محبتش اديك الفرصة دي...
عمرو ماشي يا رخم...
حسن انا هغير المحطة العجيبة بتاعتك دي...
يغير حسن لحد ما يوصل لمحطة عشاق هيكون فيها اغنيه هتعجبه ويسيبها... حسن ادينا وصلنا لسى هينزلوا من العربيه تخلص الاغنيه ينزل حسن ويفضل عمرو سرحان ف صوت ندى...ندى ورجعنالكو تاني مشاهدينا ودي نهاية حلقتنا النهاردة مستنييه آرائكم واقتراحاتك للمواضيع اللي تحبو نناقشها معاكم ف برنامجنا احب افكركم ان البرنامج بيبدأ الساعة 7 صباحا بتوقيت مصر انتظرونا بكرا ف نفس الموعد وبرنامج عيش صباحك معانا ندى علي...
يخبط حسن ع شباك العربية انت ياعم سرحان كدة ليه ما تيلا تنزل ولى عجباك القعده ف العربيه...
عمرو هاه اه يلا ننزل الشركة...يطلع عمرو الشركة ويفتح لاب توب ويدور ع صفحة البرنامج ع فيس بوك ويعملها لايك...
عمرو بس غريبة دي كل البرامج بيحطو صوره المذيع او المذيعة ع الصفحة دول ليه مش حاطيين بس هيا صوتها حلو ورقيق اكيد هيا كدة برضو.....
سالم برافو يا ندى صفحة للبرنامج عليها اقبال جامد جدا يلا اشتغلي بقى مع فريق الاعداد واختاروا موضوع الحلقة الاولي عايز حلقة تكسر الدنيا...
ندى اكيد ان شاء الله يا فندم...
تفضل ندى مع فريق الاعداد عشان يشوفو الموضوع وبعد كدة تروح هيا وسارة...
سارة بس برافو يا ندى والله البرنامج هيكسر الدنيا... ندى يارب ياسارة انا لحد دلوقتي مش مصدقة...
يرجعو البيت...خالد يلا هننزل نحتفل كلنا بقى بمناسبه البرنامج...ندى اوكي يلا بينا...
يوصلو المطعم ع النيل...خالد عجبكم المكان...
سارة حلو اوي يا خالد...
ندى اه حلوة جدا...
خالد بس اعملي حسابك يا ندى اول مرتب هتاخديه هتعزمينا عزومه زي دي ع حسابك...
ندى عنيا...
خالد ماشي شوفوا هتاكلو ايه بس خفي شوية عشان لو فتحتي هفلس...
ندى هههه ماشي يا عم...
ياكلو وندى تفكر تقوم شوية عشان تسيب خالد مع سارة...
ندى طيب انا هقوم اتمشى ع النيل شوية...
سارة طيب ما نيجي معاكي بدل ما تمشي لوحدك...
ندى لا يا سارة خليكو قاعدين وتغمز لخالد...
تخرج ندى تتمشي ع النيل...
خالد سارة كلمتي باباكي...
سارة الصراحة لسى...خالد ليه انا مستعجل جدا..
.سارة اصل يا خالد فيه مشكله احلها الاول وبعدين ابقى اكلمه...
خالد مشكلته ايه اتكلمي يا سارة...
سارة اصل بابا كان مصر انه يجوزني لابن عمي وانا رافضه فانت لو اتقدمت دلوقتي هيفتكر اني رفضته عشانك فاستني يعدي وقت ع الموضوع وبعدين انت تتقدم...
خالد سارة اوعي تتخلي عني وتبقي لغيري...
سارة مستحيل اكون غير ليك انا احارب الدنيا كلها عشانك المسأله مسأله وقت بس عشان اقدر اقنع بابا المهم انت متزهقش مني وتشوف واحده تانية...
خالد انا دنا اولع لو عملت كدة...
سارة بعيد الشر عليك...
تاني يوم...حسن ايه يا عم ماشي بدري ليه كدة...
عمرو حسن انا مستعجل جدا ابقى تعالى ف عربيتك...
حسن لا وع ايه منا جاهز اهو وهاجي معاك...
عمرو بغيظ اتفضل انت لو مكناش ابن عمي كنت ولعت فيك...
ينزلو واول ما يركبو يشغل عمرو الراديو ع برنامج عيش صباحك معانا...ندى صباح الخير مستمعينا الاعزاء معاكم ندى علي الحقيقة قعدت انا وفريق الانتاج كتير عشان نختار موضوع للحلقة النهاردة بس ملقيتش احسن من موضوعنا ده عشان نبدأ بيه هنعرف ايه هو الموضوع بعد ما نسمع الاغنيه دي وعايزة افكركوا بأرقام الاتصال علينا 0100500 وصفحتنا ع الفيس بوك وهشتاج تويتر للتواصل معانا والمشاركة برئيك ف موضوع الحلقة...
حسن انت ياعم لما انت مستعجل ماشي بطيئ ليه كدة...
عمرو حسن اسكت خالص مش عايز اسمع صوت...
حسن فيه ايه يابني ده انت غريب...
ندى ورجعنالكو تاني واحلى صباح صباح مشرق مليء بالامل وسؤالنا النهاردة عن الحب ايه بالنسبة ليك نستقبل اتصالاتكم ومشاركاتكم...
عمرو حسن...
حسن نعم...
عمرو احم ماتعرفش رقم البرنامج كام..
حسن نعم البرنامج ده ليه ان شاء الله...
عمرو اخلص ياحسن تعرف ولى لا...
حسن اه يا سيدي مهي مصدعانا بيه اهيه طول الحلقة دي لو بتحفظ عيل صغير اسمه مش هتعيده كدة....
عمرو بغضب اخلص ياحسن...
حسن اهو يا سيدي0100500...

جروب بحر الخيال على الفيس بوك

ندى محمد من الشرقية باعت طيب انتي ياندى الحب بنسبالك ايه اممم الحب يعني تضحي وتفهم وتقدر الحب يعني تشتاق وتغير وتعبر الحب انك تبقى انت وحبيبك حاجة واحدة الحب انك تتقبل اللي بتحبه بكل عيوبه ووقت ما يحتاجك تكون جنبه تحس بيه من غير ما يتكلم الحب ده معنى كبير اوي مش كتير اللي بيحس بيه ويقدره ومعانا اتصال ونقول الو...
عمرو الو...
ندى نتعرف بيك...
عمرو عمرو جمال من اسكندرية انا دي اول مره اشارك ف برنامجبس برنامجك شدني...ندى طيب ده من حسن حظي قولي يا عمر الحب ايه بالنسبة ليك....
عمرو الحب ههه هوا ايه الحب ده اول مره اسمع عنه بالنسبالي الحب حاجة تافهه جدا أنا بلاقي الي عيزه في اي وقت ومفيش واحدة تستاهل الحب لو في اصلا كلهم ذي بعض بيجروا ورايا و أنا سهران و مقضيها قوليلي انتي فين الحب بصي لو في معنديش مانع اجربه..
ندى شكرا ليك عمرو بس احب اعرفك ان في حب الحب الي تحس فيه نفسك طاير في الهوا بتسمع فيه الألحان العاشقين اجملهم ضحكة الحبيب و بتحس بحاجات كتير الحب بين اتنين يعني مشاركه و تضحيه ابتسامه ع شفايف كلام حلو الحب ان تكون دموع الحبيب أغلى من ماس دنيا و أغلى من كنوز الدنيا الحب بيجي فجأه و يقتحم حياتنا ذي ريح و بس الاهم يا عمر تختار الانسانه الي قلبها طيب و الي تشيلك في قلبها و عنيها و تحميك و تحميها و تشاركها حياتك الي تحترمك و تحترمها استاذ عمر أنا هدعلك تلاقي الحب ده بس رجاه منك يا استاذ عمرو بلاش تتعامل مع البنات كانهم مالهمش قيمه حاول تغير من نفسك و افهم نفسك و تقدر تعيش حياتك صح و تلاقي الحب الحقيقي وبكدة تكون خلصت حلقتنا النهاردة استنونا بكرا ف نفس المعاد وموضوع جديد...
حسن ياسلام دلوقتي يعني سرعت ورايح الشركة انت ايه حكايتك ياعمرو...
عمرو ايه يا حسن...
حسن مش عارف مستغربك يعني امبارح اول ما سمعت صوتها سرحت وفضلت متنح ف العربية والنهاردة منزلنا بدري ساعة ونص قاعد تلففنا بالعربية عشان تسمع البرنامج بتاعها وبعدين تعالى هنا انت من امتى بتشارك ف برامج من دي ولى بتهمك اصلا...
عمرو ايه يا حسن انت مكبر الموضوع اوي انزل يلا ورانا شغل وبعد هو حد كان قالك تيجي معايا...
حسن طيب يلا يا عمرو نشوف شغلنا احسن...يطلعو المكتب ويقعد عمرو سرحان بيفكر ف كلام ندى...
تدخل كارمن عمرو واحشني...
عمرو كارمن ده مكان شغل مينفعش كدة...
كارمن طيب اشوفك بالليل...
عمرو لا معلش مش فاضي...
كارمن بزعل عشان خاطري ياعمرو...
عمرو بغضب كارمن قلتلك مش فاضي...
كارمن كدة ماشي يا عمرو...
حسن ايه يابني مالك كدة...
عمرو هو ده اللي كان لازم يحصل من زمان ياحسن انا مبقتش فرحان بلمه البنات حوليا بقى منظري وحش والله قدام الناس وقدام نفسي الاهم...
حسن الله من امتى الكلام ده...
عمرو من النهاردة...
حسن اااه شكل كلام المذيعة المجنونه بتاعتك اثر فيك...
عمرو بغضب حسن خليك ف شغلك احسن...ترجع ندى البيت ازيك يا ماما...
فوزية اهلا يا حبيبتي البرنامج بسم الله ماشاء الله مكسر الدنيا دنا بخرج الصبح السوق الاقي كل الناس مشغلينه...
ندى ربنا يخليكي يا ماما انا هدخل لخالد...
فوزية اه ياريت يا ندى مش عارفه ماله..تدخل ندى ايه يا لودا مالك كدة...
خالد مفيش ياندى...
ندى انت هتخبي عليا يا خالد دنا ندى اختك اللي من غير كلمه بتحس بيك...
خالد خايف يا ندى خايف سارة تضيع مني...
ندى هتضيع ليه يا خالد انت بتحبها وهيا بتحبك وهتتمسك بيك اكيد وهتقنع باباها...
خالد ياريت يا ندى انا مقدرش اعيش من غيرها...
ندى متقلقش ياحبيبي ان شاء الله تكون ليك...
تروح ندى اوضتها وتكلم مريم الو ايوة يا مريم عايزين نغير موضوع الحلقة بكرا هنخليه زواج الاقارب والاهالي اللي بيجبروا ولادهم انهم يتجوزوا قرايبهم اسمعي بس يا مربم هنأجل الحلقة دي لبعد بكرا مش هيحصل حاجة يلا سلام...
تاني يوم برضو عمرو ينزل بدري عشان يسمع الحلقة ويمشي قبل ما يجي حسن عشان ميفصلهوش عن الجو وميلاحظش اهتمامه بالبرنامج...
ندى سارة ابوكي بيسمع البرنامج صح...
سارة ايوة طبعا...
ندى كويس عشان هوجهله رسالة غير مباشرة عبر الحلقة دي يمكن يغبر رئيه..
.يسمع عمرو الحلقة ويعحبه جدا اسلوب ندى وكلامها ويجي وقت فقرة كرسي الاعتراف يتصل عمرو الو...ندى الو عمرو جمال اتفضل عايز تعترف لحد بحاجة ففقرة كرسي الاعتراف...
عمرو ايوة عايز اعترفلك اني معجب جدا بأسلوبك وكمان انا حاولت انفذ نصيحتك ليا ف حلقة امبارح...
ندى شكرا ليك عمرو واتمنالك كل التوفيق...تخلص الحلقة وتدخل سارة تلاقي ندى سرحانه ايه يا القمر سرحان ف ايه...
ندى هاه لا مفيش...
سارة طيب ادعيلي ياندى هكلم بابا النهاردة يمكن يكون غير رئيه بعد الحلقة دي...
يدخل سالم ندى بجد حلقة النهاردة كانت هايله الموضوع كان مهم جدا وبتناقشي موضوع منتشر ف المجتمع بكل عقلانيه برافو يا ندى وعشان كدة انا وجميع اعضاء مجلس ادارة المحطة قررنا قرار مهم..
.ندى بقلق خير يا فندم...
سالم كل خير قررنا اننا مش هنستنى شهر عشان نثبتك انتي اتثبتي خلاص احنا مستحيل نستغنى عنك...
ندى بفرحه بجد يا فندم...
سالم ايوة بجد وكمان عايزك تجهزي نفسك فيه حفله بكرا هيحضرها كبار رجال الاعمال عشان نزود الاعلانات...
ندى لا عذرني انا يافندم مش هقدر اجي...
سالم ليه يا ندى ع العموم فكري لو غيرتي رئيك تعالي عشان تنبسطي..
.ندى ماشي يافندم...
يخرج سالم...
سارة ليه مش عايزة تروحي يا نكد...
ندى اروح فين انتي كمان بمنضري ده ده كدة كله هيسحب اعلاناته لما يشوفوني..
.سارة يخربيتك حتى بعد ما اتوظفتي ونجحتي نفس التفكير...
ندى اهو انا كدة بقى...
سارة طيب ما بنى ان الزهر لعب معاكي ما تعملي عمليه شفط ولى حاجة...
ندى لالا طبعا انا بخاف جدا من الحاجات دي..
.سارة طب روحي تابعي مع دكتور...
ندى تاني لا خلاص استكفينا يما بلا رجيم بلا قرف سارة انا كدة مش عايزة اغير نفسي انا عايزة ابقى زي ما انا...
سارة ماشي يا ستي هو حد قال كدة انتي اصا ديما حلوة...
حسن كدة كدة يا عمرو تمشي قبلي طبعا مش عايز حد يقطعك وانت بتسمع ست الحسن والجمال بتاعتك...
عمرو حسن بطل بقى...
حسن لاومتصل يعاكس فيها ع الهوا كدة قدام الناس...
عمرو يووه حسن...
حسن خلاص يا عم...
تدخل السكرتيرة اتفضل يا فندم دي دعوة مبعوته لحضرتك من اذاعة عشاق حفل سنوي كدة عشان يعرفو بالناس الجداد...
عمرو بفرحه بجد طيب سجلي عندك المعاد انا رايح...
حسن طبعا يمكن تشوفها ولى حاجة...
يبتسم عمرو بسرحان تفتكر وبعدين يفوق امم حسن احنا كنا محتاجين نبعمل اعلانات للشركة مش كدة...
حسن ايوة...
عمرو طب ايه رئيك نعمل ف الاذاعة...
حسن انت اهبل ياعمرو اعلان اكبر شركة لمساحيق التجميل ف مصر يتعمل ف اذاعة طب ازاي الاعلانات دي محتاجة الكاستمر يشوف قدامه المنتجات عمرو مش عشان حبيتها تضيع كل حاجة....
عمرو برتباك نعم حبيتها ازاي انت مجنون...
حسن صدقني يا عمرو ده بداية حب...
عمرو طب ازاي حبيتها من غير ما اشوفها...
ندى وده سؤال الحلقة بتاعت بكرا هل ممكن تحب حد من غير ماتشوفه عيزاكو بقى تضبطو كل حاجة عشان حلقة بكرا....

ترجع سارة البيت...ابوها محمود ايه الكلام الفاضي اللي ندى صحبتك كانت بتتكلم فيه ده النهاردة...
سارة ايه يابابا ما ندى معاها حق ف كل كلامها...
محمود نعم معاها حق يعني انا مثلا غلطان لما عايز اجوزك محمد ابن عمك عشان يخلي باله منك ويحافظ عليكي...
سارة طبعا يا بابا لاني مش بحبه او بحبه زي اخويا عمري ما اقدر اتجوزه...
محمود نعم ليه ان شاء الله بت انتي انتي شكلك بتحبي حد تاني صح...
سارة ايوة يابابا ومش هتجوز غيره...
يضربها بالقلم انتي اتجننتي يابت طيب جوازك انتي ومحمد يوم الخميس ومش هتخرجي لحد يومها وهاتي التليفون ده وادخلي ع اوضتك...
تدخل سارة وتنهار...
تاني يوم بالليل عمرو بيجهز نفسه عشان يروح الحفلة يدخل حسن...
حسن ياسلام عريس يا اخواتي يلا بينا ياقمر..
.عمرو يلا بينا ع فين انت عايز ايه يا حسن...
حسن جاي معاك...
عمرو جاي معايا فين انت ابن اختي...
حسن يلا يا عمرو بقى عايز اشوف اللي مجنناك دي عامله ازاي بس تصدق سمعت البرنامج بتاعها النهاردة تحفه...
عمرو حسن ملكش دعوة بيها خالص...
حسن مليش دعوة بيها ايه انت عارف دي بيسمعها كام واحد هتروح تقولهم محدش ليه دعوة بيها...
عمرو خلاص يبقى متتكلمش عليها كدة قدامي...
حسن ياسلام انتي بتغيري يا بيضة...
عمرو حسن انا ماشي...
حسن استني هنا يلا انا جاي معاك بس اخاف اسيب عربيتي هنا انت تشوفها وتاخدها معاك ف عربيتك توصلها وانت مروح وانا اتسوح وملقيش حاجة اروح بيها...
عمرو بسرحان ياريت تفتكر عامله ازاي بس صوتها بيحكي عن جمالها...
حسن ياريت طيب انا جاي وراك بعربيتي عشان اضمن نفسي...
عمرو ماشي يا خويا اخلص...
يروح عمرو مكان الحفلة وقلبه سابقة لهناك وبيدق جامد ايه يا عمرو ده انت حبيتها ولى ايه معقول من غير ما اشوفها مستحيل يمكن لما اشوفها دلوقتي تكتمل الصورة عندي واتأكد من حبي...
يوصل عمرو الحفلة ويفضل يتلفت حواليه هو اه مشفهاش قبل كدة بس ممكن قلبه يعرفها يخبط ف سالم...
عمرو استاذ سالم انا اسف جدا الف مبروك وعقبال مليون سنه للمحطة ان شاء الله...سالم ربنا يخليك عمرو بيه نورتنا...
عمرو البرامج الجديدة تحفة جدا انا متابع عيش صباحك معانا مينفع افوته يوم لو فاتني احس ان يومي ناقص...
سالم لا لو فاتك نعيدهولك معندناش اغلى منك...
عمرو طيب انا عايز ابقى السبونسر يتاع البرنامج ده...
سالم بجد طيب ماشي هنوقع العقود ان شاء الله بعد شوية...
عمرو امال هيا فين المذيعه ندى علي...
سالم لا هيا مجتش الحفلة...
عمرو بحزن ايه...
سالم انا هروح اسلم ع ناس وارجعلك عشان العقود...
عمرو ماشي مستنيك كدة ياندى كان نفسي اشوفك...
يروح عمرو يوقع العقد...
عمرو استاذ سالم ممكن طلب...
سالم طبعا اتفضل...
عمرو انا كنت عايز رقم ندى...
سالم طبعا اتفضل ويديله الرقم...
.يروح عمرو اكلمها لا مينفعش الوقت متأخر وكمان هقولها ايه يفضل يفكر طول الليل ولما يجي وقت البرنامج لبس ونزل عشان يسمعها...
ندى صباح الخير مستمعينا وصباحكو احلى معانا ف اذاعة عشق صوت كل العشاق موضوعنا النهاردة موضوع مهم جدا ومنتشر واختلفت فيه الاراء وانا مستنيه اسمع رئيكو ف الموضوع ده بس بعد ما نسمع الاغنيه دي...تخلص الاغنيه...ندى ورجعتلكو تاني مستمعينا وموضوعنا النهاردة هل ممكن القلب يحب قبل العين بمعني هل ممكن تحب حد وانت مشفتهوش وده يحصل ازاي ممكن تتكلمو ف وسائل التواصل الاجتماعي فيس بوك وغيرها او ف التليفون او اي حاجة من هذا القبيل مستنيه اتصالاتكم وارائكم وتجاربكم ف الموضوع ده...
عمرو بس الموضوع جاي ف وقته ويتصل...
ندى ومعانا اتصال ونقول الو...
عمرو الو...
ندى عمرو جمال...
عمرو ايه ده عرفتنيني بسرعة كدة...ندى طبعا ده انت بقيت صديق البرنامج ده الحلقة تبقى ناقصة من غير ما نسمع صوتك...
عمرو ربنا يخليكي دنا اللي يومي يبقى مش حلو خالص لو فوت البرنامج بتاعك كأنه بقى خلاص من اساسيات حياتي بقى زس الهوا والميه والاكل كدة بالنسبه لي...
تضحك ندى طيب قولي ايه رئيك ف موضوع حلقتنا النهاردة...
عمرو والله لو كنت اتسألت السؤال ده من شهر كنت قلت لا مستحيل يحصل بس هو ده اللي انا عايشه دلوقتي..
.ندى طيب ممكن لو مش هنضايقك تحكيلنا ع تجربتك...عمرو هو انا مشفتهاش لدلوقتي بس سمعت صوتها صوتها خطف قلبي من اول كلمه بقيت افكر فيها ع طول وانفذ كل كلامها واتمنى اني اقابلها عشان تحس بحبي ده هل هيا ممكن تحس...
ندى طبعا خد انت الخطوة بس وهيا ان شاء الله هتحس وممكن تكون هيا برضو بتحبك ومستنياك تقولهالها...
عمرو ياريت انا هكلمها النهاردة اكيد...
ندى ماشي يا عمرو ربنا يوفقك...
تخرج ندى برة الاستيديو تلاقي خالد ايه مالك يا خالد هو حصل حاجة ولى ايه...
خالد سارة يا ندى مش بترد عليا خالص...
ندى ايوة وانا كمان مش بترد عليا ومجتش معايا النهاردة انا قلقانه عليها...
خالدطيب ما تيجي نروحلها...
ندى ماشي يلا بينا...
يروحو بيت سارة يخبطو يفتح محمود اهلا بست ندى...
ندى اهلا يا عمي هيا سارة فين قلقت عليها ومش بترد عليا خالص...
محمود لا انتي تنسيها خالص وتبعدي عنها مبوضش دماغها غيرك انتي والبرنامج بتاعك...
ندى نعم ايه اللي انت بتقوله ده ياعمي سارة دي صحبتي من ايام الطفولة و انت عارفني كويس وتعتبر مربيني بعد وفاه بابا...
محمود مهو بعد البرنامج بتاعك ده بنتي انا ترفض تتجوز ابن عمها وتقولي بحب واحد تاني...
ندى حقها يا عمي حرام البنت مش بتحبه ازاي هتجوزهولها...محمود هحوزهولها غصب عنها وكتب الكتاب يوم الخميس...
خالد بانهيار ايه انت بتقول ايه تجوزها لمين حرام عليك ياسارة انتي فين...
تطلع سارة من اوضتها..
.يقف خالد قدامها سارة انتي مش هتتجوزي غيري صح انتي بتحبيني انا انتي وعدتيني انك هتكوني ليا حرام عليكي انا من عيرك اموت...
سارة واقفه بتعيط..
.يقوم ابوها انتي ايه اللي طلعك من اوضتك خشي جوه وانت اطلع بره احسنلك وابعد عن بنتي خالص...خالد لا حرام عليك مستحيل اسيبك يا سارة مستحيل تبقي لغيري...
سارة صدقني ياخالد مش هكون غير ليك حتى لو فيها موتي...
يقوم ابوها يضربها بالقلم امشي ادخلي جوه ويلتفت لخالد ويزقه اطلع بره احسنلك...
خالد لا ياسارة...
ندى خالد خالد اهدى يا حبيبي ويلا نمشي من هنا دلوقتي..
.خالد لا ياندى مستحيل اسيبها...يضربه ابوها بوكس اطلع برة بدل ما اجيبلك البوليس بره...
تشده ندى وتخرجه بالعافيه وهو بيصرخ وينادي ع سارة وسارة ورا الباب بتعيط...
تاخد ندى خالد ع البيت وتكلم دكتور يجي ويديله حقنه مهدئه وينام...
جروب بحر الخيال على الفيس بوك

بالليل وندى ف اوضتها وزعلانه ع اخوها وصحبتها يجيلها اتصال...
ندى الو...
عمرو الو...
ندى باستغراب مين معايا...
عمرو الله يعني بتعرفيني لما اتصل ف الاذاعة وهنا لا...
ندى طبعا عرفاك ياعمرو يس مستغربة انت جبت رقمي منين ومتصل ليه بيا...
عمرو مش انا قلتلك اني هكلمها النهاردة...
ندى ايه انت كنت تقصدني انا بكلامك ده...
عمرو ايوة ندى انا بجد معجب بيكي جدا ونفسي اتعرف عليكي ياريت نتقابل ونتكلم...
تقفل ندى السكه ف وشه وهيا مش مصدقة وتقف التليفون وتحاول تنام متعرفش وقلبها بيدق جامد معقوله لالا يا ندى ده مشفكيش ومشفش شكلك بلاش تكسري قلبك لتاني مرة ميستهلش منك كدة طب مش يمكن فعلا حبني مش قادرة افكر خالص...
عمرو الله ليه قفلت ف السكه معقول تكون مش عيزاني ولى يمكن اتفجأت مش عارفة بقى انا تعبت...
تاني يوم ف البرنامج يتصل عمرو الو...ندى بخجل وقلبها يدق جامد احم الو عمرو جمال اتفضل...
عمرو سوري يعني اني هتكلم ف موضوع غير موضوع الحلقة بس محتاج مساعدتك...
ندى طبعا اتفضل...
عمرو انا كلمتها زي مقلتلك امبارح وهيا قفلت السكة ف وشي ده معناه ايه...
ندى يمكن اتفجأت اتكسفت...
عمرو انا نفسي اقابلها بقى...
ندى بلاش تقابلها ع طول كدة اتكلم معاها لحد ما تتطمنلك وبعدها اطلب منها انها تقابلك بلاش تقولها نتقابل بسرعة كدة...
عمرو يعني ده رئيك...
ندى طبعا...
عمرو ماشي وانا هعمل بيه متشكر جدا...
تخلص ندى الحلقة انا ايه اللي عملته ده اووف بقى وبعدين لو اتعلق بيه واتعلق بيا وشافني بعدها هنعمل ايه...
يجي يوم الخميس كتب كتاب سارة تدخل امها عندها يلا يا حبيبتي كولي و البسي الفستان عشان اضبطك عشان كتب كتابك وبعدين ده شكل واحده كتب كتابها النهاردة سارة انا عارفة انكدمش بتحبيه بس هتحبيه بعد الجواز تلبسها امها الفستان وتحطلها ميك اب وتطلع...
غند خالد قاعد منها وبيكسر ف كل حاجة ف البيت...
فوزية خالد يا ابني اهدى شوية مش كدة...
خالد اهدى اهدي ازاي وهيا خلاص ضاعت مني وهتتجوز غيري...
ندى ربنا يستر...
خالد انا نازل...
ندى طيب رايح فين..
.خالد ملكيش دعوة انا هنزل ومش عايز حد معايا...
فوزية ندى الحقيه اخاف يعمل حاجة ف نفسه...
ندى حاضر ياماما تجري ندى وتمشي ورا خالد اللي هيروح عند بيت سارة ويقف...
المأذون فين العروسة عشان توقع...
تدخل امها عشان تناديها تصرخ...
محمود ايه ده فيه ايه يا نجاه...
ويدخل هو ومحمد يلاقو سارة انتحرت واتحول فستانها الابيض لاحمر...
محمد ايه ده هيا ليه عملت كدة ف نفسها...
نجاه سارة بتحب واحد تاني وابوها رفضه واصر انها تتجوزك...محمد ايه انت ازاي تعمل كدة ليه مقلتليش مكنتش هزعل انا اه بحبها بس اتمنالها السعادة...
نجاه محمد يا ابني انت دكتور ارجوك الحق بنتي...
يربط محمد ايديها عشان يوقف النزيف ويشيلها هيا لازم تروح مستشفى حالا هتصل بأسعاف...
ينزل محمد وهو شايل سارة وهيا غرقانه دم وخالد واقف تحت العمارة ولسى بيفكر يطلع يلاقي محمد نازل بسارة يتفزع خالد ويجري عليها سارة حبيبتي ايه اللي حصل توصل ندى وتصرخ سارة...
محمد لازم تروح حالا المستشفى شوفولنا اي تاكسي مش هنستنا اسعاف...
خالد هاتها معايا عربيه...
ندى طيب هسوق انا يا خالد انت مش هتقدر...
يقعد خالد ورا ومعاه محمد وسارة...
يمسك خالد ايديها سارة يا حبيبتي ليه عملتي كدة ف نفسك انا مقدرش اعيش من غيرك...
محمد اهدى ان شاء الله هتكون بخير...
يوصلو المستشفى وخالد منهار جدا...
ندى اهدى يا خالد هتبقى بخير ان شاء الله...
يجي محمود ونجاة...
خالد انت السبب ليه عملت فيها كدة ليه فرقت بينا...
محمد هيا الحمدلله كويسة بس محتاجه نقل دم...
خالد طيب يلا انا هتبرعلها...
يدخل خالد الاوضة عند سارة ويبتدوا ينقلو دم منه ليها وهو ماسك اديها...
تفتح سارة عنيها خالد...
خالد انا هنا جنبك يا حبيبتي...
وتغيب سارة تاني عن الوعي..
محمد عمي ارجوك تخليها تتجوز خالد انا متأكد انه بيحبها جدا وكمان هيا بتحبه الحمدلله المرة دي عدت ع خير وهيا حالتها النفسيه وحشه جدا ولو ضغطتوا عليها تاني هتكرر الموضوع ده تاني ف لازم تعملها اللي هيا عيزاه...
نجاة ارجوك يا محمود دي بنتنا الوحيدة...
محمود ماشي هيا بس تقوم بالسلامه وانا هعملها اللي هيا عيزاه...
يفضل خالد جنب سارة مش عايز يسيبها يدخل محمود عنده خالد يا ابني انا اسف مكنتش اعرف انك بتحبها كدة...
خالد واكتر من كدة انا لو حصلها حاجة اموت...
محمود سارة امانه ف رقبتك يا خالد خلي بالك منها واول ما تقوم بالسلامة هجوزهالك عشان انا هبقى متطمن عليها معاك...
خالد بجد...
محمود ايوة يا ابني...خالد سارة يا حبيبتي قومي بقى اخيرا هنبقى مع بعض...
تفتح سارة عنيها خالد...
محمود سارة يا حبيبتي انا اسف مكنتش اعرف انكم بتحبو بعض كدة بس قومي انتي وانا اعملكو احلى فرح...
تعدي ايام ووعمرو ع طول بيكلم ندى ف التليفون والاذاعة وقربوا جدا من بعض وبقو يحبو بعض جدا مبقاش يعدي يوم غير لو بيتكلمو بالساعات...
عمرو مش يلا بقى يا قلبي نفسي اشوفك انتي مش عايزة تشوفيني ولى ايه انا هتجنن واقابلك بقى يا نودي قلبي اشتكى من بعدك عنه...تتوتر ندى وترتبك لا يا عمرو مهو بلاش دلوقتي مستعجل ليه يا حبيبي...
عمرو فيه ايه يا ندى هو انا كل ما اقولك نتقابل ترفضي انتي مش بتحبيني ولى ايه حاسس انك بتتهربي مني...
ندى لا طبعا يا عمرو بحبك ومقدرش استغني عنك اوعدني انك عمرك ماتسبني...
عمرو مقدرش اسيبك انتي روحي وحياتي ومفيش حاجة ف الدنيا تفرقني عنك...
ندى ماشي ياعمرو خلينا نتقابل...
عمرو تمام امتي وفين...
ندى بكرا 5العصر ف كوستا...
عمرو ماشي تمام وعشان تعرفيني انا هبقى لابس بدله سودة وقميص ابيض وكرافته بنفسجي تمام...
ندى تمام يا حبيبي تصبح ع خير...
عمرو لا انا مش هنام هفضل مستني معادنا بكرا...
ندى لا كدة الوقت هيمشي بطيء...
عمرو لا لا دنا عايزة يمشي هوا ماشي خلاص هنام تصبحي ع خير...
ندى وانت من اهل الخير...
تتصل ندى بسارة الو ايوة ياسارة...
سارة ايه يا ندى ليه متصله بيا دلوقتي حرام عليكي عايزة انام...
ندى اصل عمرو...
سارة ماله...
ندى عايز يقابلني بكرا...
سارة طيب ايه يعني يا ندى قابليه...
ندى خايفة يا سارة...
سارة خايفة من ايه ياندى بس...
ندى خايفة لما يشوفني يسيبني...
سارة لا يا ندى واضح جدا ان عمرو بيحبك مش هيسيبك عشان كدة قابليه يا ندى ومتقلقيش...
ندى ماشي...
تاني يوم تخلص ندى برنامجها وتروح تظبط نفسها عشان ميعادها مع عمرو...
يتصل بيها عمروالو يا ندى انتي فين قلبي قاعد ع نار...
ندى انا ف الطريق اهو قربت انت قاعد فين بالضبط...
عمرو انا ع التربيزة اللي ف وش الباب ع طول توصل ندى وتدخل الكافيه و هى متوتره و ظلت تبحث بعينيها ع عمرو و عندما رأت شاب يجلس ع ترابيزه يرتدى بدله سوداء و قميص ابيض و كرفته بنفسجي اقتربت منه و فجاءه توقفت عندما رأته شاب أقل ما يقال عنه وسيم فهو صاحب العينان العسليتان و البشره البيضاء و الجسم الرياضى ظلت متجمدة مكانها و هى تفكر كيف لشاب بوسامته يعجب بها او يحبها فقررت أن تمشى و لا تذهب له لانها علمت ماذا سيكون رد فعله عندما يراها مقدرش اخسرك يا عمرو انت لو بعدت عني انا اموت...
يفضل عمرو مستنيها ويتصل بيها متردش عليه يفضل قاعد ساعتين وبعدين يجي ماشي يلاقي كارمن...

جروب بحر الخيال على الفيس بوك

كارمن عمرو حبيبي واحشني عاش من شافك كان بقالك فترة مختفي...
عمرو كارمن الطبيعي اني ابعد عن اي واحده لاني لقيت اللي تملا قلبي خلاص وهيا دي اللي هتجوزها...
كارمن كدة يا عمرو ماشي...
يرجع عمرو البيت ويدخل اوضته الباب يخبط...
عمرو مين...
حسن انا حسن افتح...
عمرو حسن مش نقصاك امشي دلوقتي...
حسن يا ابني افتح بس لسى زي ما انت من زمان اول ما يحصل حاجة تدخل اوضتك وتقفل ع نفسك ومترضاش حد يشوفك افتح بس يا ابني خليني اعرف حصل ايه...
يفتح عمرو الباب ويدخل حسن ايه يا ابني مالك فيك ايه...
عمرو كنت رايح اقابل ندى ومجتش واتصلت بيها مبتردش انا قلقان عليها اوي ياحسن...
حسن قلقان عليها البت دي شكلها بتلعب بيك يا عمرو انت بقالك شهر بتتحايل عليها توافق تقابلك وهيا ترفض ولما تقبل تقابلك متجيش...
عمرو لا يا حسن متقلش كدة هيا لما اتصلت بيها قالتلي انها ف الطريق...
حسن مش عارف بقى انا قلقان عليك حاسك بتجري ورا وهم واحدة متعرفهاش اصلا...
عمرو بالعكس دي اعرفها اكتر من نفسي دي تعرف عني حاجات انت نفسك ومتعرفهاش وانت قاعدلنا 24 ساعة كدة هو انت معندكش بيت يا حسن تقعد فيه...
حسن بحزن اقعد مع مين يا عمرو انا وحيد من بعد ما بابا وماما ماتو ومعنديش اخوات ولى اسره...
عمرو ايه يا ابني الدرامة دي منا اهو موجود وزي اخوك بالضبط وانت لو كان عندك اخ كان هيستحملك زي ما انا مستحملك كدة...
حسن ربنا يخليك انت لو بعدت عني انت بالذات ساعتها هحس اني يتيم بجد...
عمرو لا متقلقش انا جنبك..
.حسن يا سلام دلوقتي تتجوز ندى وتنساني...
عمرو ايه ده انتي بتغيري من ندى ولى ايه لا متقلقيش محدش يقدر ياخدني منك ابدا يا حبيبتي...
حسن احنا هنستضرف بقى نام نام انا غلطان اني جيت اسأل عنك سلام...
يمشي حسن ويفضل عمرو قلقان ع ندى ويحاول يكلمها...
عند ندى قاعدة مع سارة وبتعيط...سارة طيب اهدي وفهميني حصل ايه قابلتيه...
ندى مقدرتش مقدرتش ياسارة اول ماشفته اتجمدت مقدرتش اتقدم خطوة واحدة وانا متأكدة انه لو شافني هيسيبني وانا بحبه يا سارة ولو سابني مش عارفة هيحصلي ايه...
سارة طيب ممكن تهدي وتردي عليه ده اتصل بيكي ميه مره زمانه قلقان...
ندى مش قادرة ياسارة...
سارة يلا بقى يا ندى حرام عليكي الراجل هيتجنن كدة...ترد ندى...
عمرو الو ايوة يا ندى ايه كل ده قلقتيني عليكي...
ندى طيب ممكن تهدى شوية انا كويسة...
عمرو مال صوتك يا ندى ردي عليا...ندى متقلقش يا عمرو انا اسفه اني مجيتش بس ماما تعبت شوية ورحتلها واتلخمت نسيت اتصل بيك...عمرو خلاص معلش ياحبيبتي حصل خير المهم اني اتطمنت عليكي والف سلامه ع مامتك هبقى اشوفك مرة تاني هتروحي من قلبي فين بحبك...
ندى وانا كمان تصبح ع خير...
عمرو وانتي من اهل الخير...
تاني يوم تنزل ندى تروح الاذاعة وينزل عمرو عشان يسمعها...
ندى صباح الخير مستمعينا الاعزاء موضوعنا النهاردة كل واحد ليه وجهت نظر مختلفه فيه كل واحد ليه اهتمامته كل واحد ع حسب ايه اللي هيريحه ويسعده باقي حياته سؤال بيتكرر ليك وليكي كتير واحيانا احنا بنسأله لنفسنا ﺗﺮﻯ ﻣﻮﺍﺻﻔﺎﺕ ﻓﺘﻰ ﺍﺣﻼﻣﻚ ﺍﻭ ﺍﻳﻪ ﻫﻰ ﻣﻮﺍﺻﻔﺎﺕ ﻓﺘﺎﻩ ﺍﺣﻼﻣﻚ مستنيه مشاركاتكم وارائكم ف الموضوع ده وايه مواصفات فتي او فتاه احلامك من ناحيه الشكل والشخصية ومعانا اتصال نقول الو...
عمرو احم احم...
ندى عمرو صديق البرنامج اتفضل احب اسمع رئيك ف الموضوع ده...
عمرو بصي انا مخبيش عليكي فتاه احلامي دي لازم تبقى بنت جميله رقيقة وزي القمر بنت زي المودلز اللي بنشوفهم طويله جسمها مضبوط ومهتميه بنفسها دي حاجات كانت مهمه..
.تدمع ندى طيب وبالنسبه للشخصية...
عمرو يعني تبقى طيبة وجدعة وتفهمني...
ندى طيب شكرا ليك ياعمرو...
عمرو استني بس عايز اقول حاجة الشكل ده كان مهم عندي زمان بس دلوقتي بعد ما حبيت واحدة من غير ما اشوفها عرفت ان الشكل ده مش مهم بالمرة انا حبيتها حبيت روحها واسلوبها الشكل مش كل حاجة العين بتحب الشكل والقلب بيحب الروح وحب القلب هو الحقيقي والاقوى...
ندى تحب تهدي اغنيه لحد...
عمرو اه اهدي اغنيه صدقني خلاص عمرو دياب لحبيبه قلبي اللي حياتي بقت ملك ليها وبين اديه وعايزها تسمع كل كلمه وتحس بيها...تخلص ندى الحلقة...
سارة شفتي بيحبك قد ايه واهو قالك كمان ان تفكيرك كله غلط وانه بيحب روحك من غير مايشوف شكلك قابليه بقى الله يرضى عليكي يا حبيبتي..
.ندى ماشي يا سارة...
يدخل سالم ندى انتي مطلوبه بالاسم انك تحضري مؤتمر مهم جدا لفضائية كبيرة ولازم تروحي...
ندى حاضر يا فندم بس امتى...
سالم بعد بكرا انا عارف ان كتب كتاب سارة واخوكي بكرا...
ندى وانت طبعا يا مستر اول المعزومين...
سالم طبعا ربنا يتمم ع خير...
تاني يوم ندى تعلن ف البرنامج انها هتغيب يومين لان عندها مؤتمر وهيحل محلها زميله اخرى يتعصب عمرو ويتصل بيها...
عمرو الو ايوة يا ندى...
ندى ايه يا عمرو فيه ايه خضيتني مالك متعصب ليه...
عمرو انتي بجد مسافرة...
ندى اه عندي مؤتمر...
عمرو والله وكنتي ناوية تقوليلي امتى...
ندى والله يا عمرو انا لسى عارفة اصلا السفرية جت مفجأه...
عمرو يووه بقى وهشوفك امتى...
ندى اول ما اجي يا عمرو هقابلك ع طول...
عمرو بجد طيب هستحمل اليومين دول بس تكلميني ع طول...ندى ماشي يا حبيبي...
عمرو بجد يا ندى بتحبيني زي ما انا بحبك...
ندى طبعا يا عمرو عمرو انت لو سبتني انا هموت بجد لان قلبي بقى معاك لو غبت عني يوم هتعب جدا...
عمرو متقلقيش يا حبي انا جنبك مهما حصل...
ندى ربنا يخليك ليا...
عمرو بس بقولك ايه يا ندى لو مجتيش تقابليني هعتبر انك مش عيزاني وهبعد عنك...
ندى لا يا حبيبي مقدرش اكيد هاجي...
بالليل ف كتب كتاب سارة وخالد يدخل محمد...
خالد ايه اللي جابه ده...
ندى ايه يا خالد ما تهدى شوية...
يجي محمد الف مبروك يا حالد الف مبروك يا سارة بتمنى لكم السعادة خالد سارة دلوقتي زي اختي انا واثق انك هتسعدها لانك بتحبها...
خالد اكيد طبعا دي قلبي...
تاني يوم تسافر ندى وتروح عشان تقابل مدير الفضائية ف الحفلة بالليل سالم قاعد مع مراد مدير الفضائية...
مراد خليت ندى تيجي دي انا محتاجها جدا بدور عليها من زمان..
سالم هروح اشوفها واقولها تجيلك حالا...
يروح سالم ندى استاذ مراد اللي هناك ده عايزك روحيله هيتكمل معاكي شوية قبل المؤتمر...ندى حاضر يا فندم...
تروح ندى مساء الخير...
مراد مساء النور انتي مين...
ندى انا ندى علي مذيعة برنامج عيش صباحك معانا...
مراد نعم انتي ندى طيب ازاي ده انا طلعت غبي اوي كنت فاكر اني هاخدك تبقي مذيعة ف القناة بتاعتي بس انتي فعلا اخرك الاذاعة ف الظلمه مستحيل تطلعي للنور...
تعيط ندى وتمشي بسرعة وينده عليها سالم متردش يقوم رايح لمراد ايه يا مراد انت ضايقت ندى ف حاجة حاكم انا عارفك عينك زايغة..
.مراد نعم انا عيني هتزوغ ع دي انا كنت هاخدها تبقى مذيعة عندي...
سالم والله مش هتلاقي احسن منها...
مراد نعم انت عايز القناه بتاعتي تشغل دي دي تتقفل ف ساعتها انت مش بتشوف اشكال المذيعات بتوعي ولى ايه...
سالم مش هتتغير ابدا يامراد انا افتكرت انك لما بقيت رجل اعمال كبير بقى يهمك مستوى شغلك مش المظاهر...
ندى ترجع مصر وتفضل تلف ف الشوارع وهيا متضايقة وتلاقي عيادة الدكتورة عليه المنصوري للسمنه فتدخل العيادة ويجي دورها تدخل للدكتورة...
عليه اتفضلي يا بنتي ايه مشكلتك...
ندى يعني مشكلتي مش باينه يا دكتورة...
عليه طيب اقعدي خلينا نتكلم شوية انتي بتشتغلي ايه...
ندى مذيعه ف الاذاعة...
عليه برنامج ايه...
ندى عيش صباحك معانا...
عليه بجد ده برنامج ناجح وناس كتير بيسمعوه...
ندى بس للاسف انا مش سعيدة خالص بسبب شكلي ده...
عليه طيب ايه رئيك تعملي عمليه...
ندى لالا انا بخاف من العمليات جدا...
عليه ليه دي عمليه بسيطة جدا وهتوصلي للي انتي عيزاه..
ندى لا بلاش نجرب حاجة تانية لو منفعتش نبقى نشوف موضوع العمليه ده...
عليه ماشي هكتبلك رجيم و ادوية تمشي عليها هتساعدك واشوفك بعد اسبوع...
ندى ماشي...
تاني يوم...سارة ايه يانودى عامله ايه...
ندى تمام...
سارة طيب منزلتيش ليه الاذاعة لما رجعتي..
.ندى ما انا اجازة يومين خليني اقعدهم...
سارة مالك كدة يا ندى...
ندى كل الناس هاممها الشكل بس محدش هامه حاجة تانية خالص عشان كدة انا رحت لدكتورة...سارة بجد قررتي تعملي عمليه...
ندى عمليه ايه يا سارة بس انا بخاف من العمليات جدا مقدرش هيا بس ادتني دايت وادوية كدة همشي عليهم...
يرن تليفون ندى تلاقي عمرو...
سارة ايه ما تردي عليه...
ندى اصله قاللي لو مرضيتيش تقابليني المرة دي يبقى هبعد عنك خالص...
سارة طيب ما تقابليه بقى يا ندى...
ندى ماشي هقابله وترد عليه الو ايوة يا عمرو...
عمرو ايوة يا حبيبتي وحشتيني...
ندى انت كمان...
عمرو هشوفك امتى...
ندى وقت ما تحب...
عمرو خلاص يبقى بكرا بعد البرنامج نفطر مع بعض ولو مجتيش يا ندى بجد هعتبر انك مش بتحبيني...
ندى لا متقلقش هاجي....
تاني يوم تخلص ندى البرنامج عمرو ف الشركة...
عمرو طيب انا ماشي انا...
حسن ع فين...
عمرو بسعادة رايح اقابلها...
حسن يااه اخيرا بس ممكن متجيش زي المرة اللي فاتت...
عمرولا انا قلتلهالو مجتيش هعتبر انك مش بتحبني يلا انا ماشي عشان متأخرش عليها....
حسن ماشي الله يسهلك...
ينزل عمرو يقعد ف الكافية يستنى ندى شوية وتدخل ندى وتروح عنده استاذ عمرو

جروب بحر الخيال على الفيس بوك

يلتفت عمرو ويبص لها من فوق لتحت نعم...
ندى انا كنت عايزة اقولك...
يقاطعها عمرو لا مش وقت خالص دلوقتي حبيبتي شوية وهتيجي مش عايز تشوفني واقف مع واحده زيك اكيد هتمشي هتفتكر ان ذوقي مش حلو كدة..
ندى طيب اسمعني يا عمرو الاول...
عمرو اوووف انتي مين وعايزة ايه مني دلوقتي...
ندى بدموع خلاص مش عايزة حاجة عن اذنك...
تمشي ندى وتقعد عند النيل تعيط ومنهارة ليه كدة يا عمرو حتى بعد كل الحب ده تجرحني كدة كنت لازم اعرف ان ده اللي هيحصل واحد زيه اكيد بيهتم بالمظاهر بس انا ذنبي ايه اتجرح كدة...عمرو اوووف مجتش ليه دي حرام عليكي يا ندى انا اتعلقت بيكي جدا ازاي تعملي فيا كدة ليه مجتيش حتى بعد ما قلتلك لو مجتيش يبقى مش بتحبيني يعني انتي فعلا مش بتحبيني يا ندى انتي اول حب ف حياتي ازاي تعملي فيه كدة...
ندى لتاني مرة انجرح لتاني مره احب واللي احبه يسيبني عشان الشكل كنت فاكرة انك لما حبتني ياعمرو من غير ما تشوفني انك مكنش هيهمك شكلي لانك حبيت روحي كل كلامك ليا كان كدب كنت بتحاول تبين اد ايه انت مثالي ف البرنامج بس الحقيقة غير كدة...
يرجع عمرو الشركة...
حسن ايه يانمس انا قلت انك مش جاي خالص النهاردة وهتفضل معاها عمرو يا عمرو ما ترد عليا هو حصل حاجة ولى ايه...
عمرو محصلش مجتش اصلا...
حسن ايه تاني طيب هتعمل ايه...
عمرو هعمل ايه يعني خلاص هيا مش عيزاني هريحها وابعد عنها خالص...
حسن ليه يا عمرو طيب كلمها يمكن حصل حاجة زي المرة اللي فاتت...
عمرو كلمتها مليون مرة ولى ردت يبقى خلاص انتهى...
حسن وانت هتقدر تبعد عنها...
عمرو لازم ابعد خلاص دي بتلعب بيا ولى ايه كل مرة ومتجيش...
حسن خللص يا عمرو اهدى...ترجع ندى البيت...
سارة نودا جيتي ف وقتك انا وخالد كنا بنحدد ميعاد الفرح...
ندى بجد مبروك...وتيجي داخله اوضتها...
سارة ايه ده يا ندى مالك ده انتي حتى مسألتيش امتى الفرح...
ندى امتى يا سارة...
سارة عاملينه ف احلى يوم ف الدنيا ف عيد ميلادك...
ندى ربنا يخليكي يا سارة...وتدخل اوضتها...
خالد مالها ندى عامله كدة ليه...
سارة مش عارفة انا هدخلها..
.تدخل سارة تلاقي ندى بتعيط ومنهارة...
سارة ايه ده مالك يا ندى مالك يا حبيبتي وتاخدها ف حضنها اهدي اهدي بس ياندى وقوليلي فيه ايه...
ندى مش قادرة يا سارة هموت جرحني عمرو خلاص يا سارة مبقاش ليا خلاص انتهى انا كنت عارفة ان ده اللي هيحصل لما يشوفني...
تهدي سارة ندى لحد ما تنام...عند عمرو قاعد ماسك موبيله وسرحان مش يمكن كلام حسن صح مش قادر ابعد عنك انتي وحشاني من دلوقتي يارب ساعدني انا هحاول اكلمها كدة يتصل بيها متردش يفضل مهموم وينزل تاني يوم ف ميعاد البرنامج...
مريم نعتذر ليكو مستمعينا هيبقى معاكم هشام صابر بدل من ندى علي عشان لظروف خاصة مددت اجازتها...
يقفل عمرو الراديو وهو متعصب ويروح الشركة...
حسن عمرو مالك كدة...
عمرو مش قادر يا حسن هموت مش قادر ابعد عنها ولى قادر اوصلها...
حسن طيب اهدى انا هحاول كدة اشوف حل...يخبط الباب...
حسن اتفضل ايوة يا خالد عايزة حاجة...\
خالد ايوة يافندم انا فرحي اخر الاسبوع وكان يشرفني اني حضراتكم تيجو...
عمرو اه اكيد طبعا الف مبروك وليك اجازة بقى ياعريس...
خالد متشكر يافندم...
حسن انت هتروح بجد...
عمرو مش عارف لسى سبني دلوقتي...
سارة ايه يا ندوا مش تفكي كدة وتروقي عشان الفرح ولى مش ناوية تيجي ولى ايه...
ندى انتي هبلة يابت اكيد هاجي انا نازلة دلوقتي عندي مشوار مهم...
تنزل ندى وتروح لدكتورة عليه...
عليه اهلا يا ندى عامله ايه...
ندى الحمدلله يادكتورة انا فكرت وقررت اني هعمل العمليه...
عليه بجد ايوة كدة خليكي شجاعة بس لازم تعملي شوية تحاليل كدة عشان نتطمن ان العمليه هتمشي تمام...
ندى ماشي..
.تروح ندى تعمل التحاليل وترجع للدكتورة...
عليه ندى للاسف العمليه ممكن تكون خطر جدا عليكي لان سسيولة الدم عاليه وممكن يحصل نزيف وقت العمليه ف القرار بأيدك دلوقتي تعمليها وممكن تمشي بسلام وممكن لا ولى متعمليهاش اصلا...
ندى بعد تفكر لا هعملها مهما كانت النتيجة والمخاطر بس بعد فرح اخويا...
عليه ماشي تعالي يوم السبت....
ندى ماشي...
يوم الخميس فرح سارة وخالد...
حسن ايه يا عمرو رايح الفرح...
عمرو اه يا ابني طبعا خالد بقاله فترة بيشتغل هنا مفيهاش حاجة لما اروح...حسن طيب مش تضبط نفسك كدة يمكن حد يعبرك ده منظر واحد رايح فرح ايه يا ابني ده انت لو كنت ف عزا مكنتش هتبقى كدة..
.عمرو خلاص بقى يا حسن انا مش ناقصك..
.يروحو الفرح ويباركو لخالد وسارة....
خالد امال فين ندى يا سارة..
.سارة مش عارفة تلاقيها واقفة عند النيل قلتلك بلاش نعمل الفرح عند النيل ده جاذبيته عند ندى اقوى من الجاذبية الارضية اهي سابت الفرح وراحت تقف عنده....
خالد ههه طب استني بقى عشان انا محضرلها مفجأه هرن عليها تدخل...
يرن خالد واول ما تدخل ندى يمسك خالد المايك ويقول النهاردة مش بس فرحي النهاردة عيد ميلاد اغلى انسانه عندي اختي ندى مذيعة برنامج عيش صباحك كل سنه وانتي طيبة يا احن واغلى اخت ف الدنيا....
عمرو اول مايسمع كدة يلتفت يبص عليهم وندى عند خالد ويعرف انها نفس البنت اللي جرحها قلبه يوجعه اوي يااه انتي ندى...
حسن هيا دي ندى...
عمرو انا جرحتها اوي يا حسن انا شفتها ومكنتش اعرف ان هيا دي واتريقت عليها جامد عمرها ما هتسامحني دلوقتي انا لازم اروح اتكلم معاها...تيجي ندى ماشيه تلمح همرو جاي ناحيتها تسرع ف مشيتها لحد ما تخرج برة يمسكها عمرو من اديها ندى ندى استني انا لازم اتكلم معاكي...
ندى لا ميصحش ياعمرو بيه حد يشوفك واقف معايا هيقول عليك ايه ساعتها وتيجي تمشي...
عمرو استني يا ندى ارجوكي انا بحبك ومقدرش اعيش من غيرك واسف ع اللي حصل بجد مكنش قصدي..
ندى وانا بكرهك يا عمرو انت زيك زي اي واحد انت محبتنيش اصلا...
وتمشي وعمرو واقف وعينه كلها دموع ويروح بيته ويفصل يكسر كل حاجة يخبط حسن عليه عمرو ياعمرو افتح خلينا نتكلم مينفعش كدة...
عمرو امشي يا حسن من هنا مش عايز حد سبني لوحدي...
حسن طيب طيب خلاص هسيبك تهدى...
تاني يوم الصبح يصحى عمرو وهو تعبان خالص ع تليفونه بيرن يرد ايوة يا حسن عايز ايه دلوقتي...
حسن افتح الراديو المجنونه بتاعتك رجعت برنامجها وبتتكلم فيه اهيه اسمعها يفتح عمرو الراديو ويتصدم لما يسمع كلام ندى...

جروب بحر الخيال على الفيس بوك

ندى الحقيقة الاعداد عامل حلقة حلوة جدا بس انا مش هقدمها لاني عايزة اتكلم معاكو ف موضوع مهم جدا عايزة اتكلم معاكو عن الكدب والحقيقة اني من اول ما قدمت البرنامج ده بكدب عليكو ايوة بكدب والمتصلين احيانا كمان بيكدبو بس كل واحد بيكدب بطريقته انا النهاردة بس طلعت عشان اعتذر لكم واودعكم دي اخر حلقة ليا النهاردة وانا اسفة ع كل حلقة قدمتها هنا وقلت كلام انا محستهوش ومجربتوش قبل كدة عشان اشهر البرنامج ده انا بعتذر برضو اني مش هاخد اي اتصالات النهاردة...
يوصل عمرو الاستيديو...
سالم عمرو بيه اتفضل ايه مالك بتنهج كدة...
عمرو بليز يا استاذ سالم خليني ادخل لندى...
سالم لا طبعا مينفعش...
عمرو ليه ميينفعش مش انا الاسبونسر بتاع البرنامج...ندى انا احسن سنه قضيتها ف عمري كانت هنا معاكو بس للاسف خلاص مقدرش اكمل فجأه يدخل عمرو الاستيديو ندى..ندى عمرو انت ايه اللي جابك هنا انت اتجننت اتفضل...
عمرو ايوة اتجننت واتنجننت بيكي وعايز الناس كلها تعرف اني بحبك وبعتذرك قدام كل الناس اللي بيسمعوكي وبيحبوكي ويتمنوا انك تكملي البرنامج ده لانك احسن واحدة للمكان ده ارجوكي يا ندى...
ندى عمرو بليز كفاية كدة خليني اختم الحلقة عشان عندي ميعاد ظروري...
يسكت عمرو ويطلع يستناها برة...تختم ندى البرنامج وتيجي تخرج تلاقي عمرو واقف ندى استني لازم نتكلم...
ندى مفيش بينا كلام يا عمرو خلاص...
عمرو لا فيه كتير يا ندى فيه الحب اللي ف قلبي ليكي وحبك ليا...
تبص ندى ف الساعة انا اتأخرت جدا ولازم امشي...
عمرو اتأخرتي ع ايه...
ندى ملكش دعوة عن اذنك وتمشي...تروح المستشفى...
الدكتورة لازم انتي وحد من طرفك تمضو ع اقرار انكم موافقين ع العمليه...
ندى ماشي وتتصل بسارة الو ايوة ياسارة تعاليلي المستشفى بسرعة...
سارة ليه خير مالك...
ندى تعالي بس...
تروح سارة الدكتورة اتفضلي امضي هنا...
سارة ده ايه ده...
الدكتورة ده اخلاء طرف للمستشفى بأنكم موافقين ع العمليه رغم خطورتها...
سارة نعم هيا العمليه خطيرة اوي كدة..
.الدكتور الحقيقة اه ممكن يحصل نزيف...
سارة ايه لا طبعا متعملهاش...
ندى لا ياسارة يلا وقعي...
سارة لا يا ندى مينفعش...
ندى ياستي انتي مالك انا موافقه...
سارة ليه كل ده يا ندى...
ندى عشان كل حاجة ضاعت مني مش فارقة هعيش عشان ايه...
سارة كل ده عشان عمرو مهو جالك كذا مرة وانتي اللي طردتيه..
. ندى نفسي ابقى زي ما هو كان بيحلم ويتمنى عشان يحبني بجد..
.سارة بس يا ندى...
ندى اخلصي يا سارة...
سارة بتردد حاضر...
حسن ايه يا ابني اللي انت عملته ع الهوا ده مجنون بجد..
.عمرو تعبت ياا حسن مبقتش عارف اعمل ايه...
حسن هتتحل ان شاء الله..يرن تليفون عمرو...
حسن ماترد يا ابني...
عمرو مش فايق لحد...
حسن خلاص هات اقفله يمسك الموبيل يلاقي نودي حبيبتي الحق دي هيا...
عمرو هيا مين..
.حسن ندى يا عمرو..
.يقوم عمرو من ع الكرسي بسرعة ايه ندى ويرد الو...سارة الو...
عمرو بقلق مين معايا...
سارة انا سارة صاحبه ندى..
.عمرو اه يا سارة ازيك هيا ندى كويسة...
سارة لا يا عمرو ندى هتموت نفسها وانت السبب...
عمرو بخضة ايه فيه ايه...
سارة ندى اصرت انها تعمل عمليه خطر جدا عليها عشانك بعد اللي عملته ندى مكنش ينفع تعمل العمليه دي لان ممكن يحصلها نزيف شديد وانا حاولت معاها وهيا اصرت عايزة تعمل كدة عشانك ياعمرو....
عمرو ايه طيب هيا فين...
سارة هيا مستشفى السلام الحقها يا عمرو ارجوك هيخدروها بعد 10دقائق...
عمرو حاضر حاضر جاي حالا...
يجي عمرو يمشي بسرعة...
حسن عمرو استنى فيه ايه طيب هاجي معاك...
ينزل عمرو عشان يركب عربيته يلاقي واحد قافل عليها...
عمرو يوووه هو ده وقته...
حسن طيب استنى هحيب عربيتي راكنها ورا...
عمرو مفيش وقت ابقى حصلني ع هناك مستشفى السلام...
يجري عمرو بسرعة مسافة طويلة وهو بيجري تخبطه عربيه وقع ع الارض بس رغم الالم قام واتحمل لحد ما وصل للمستشفى....

جروب بحر الخيال على الفيس بوك

عمرو سارة هيا فين...سارة جوا...يدخل عمرو اوضة العمليات...
الدكتورة انت مين وازاي تدخل هنا اصلا...عمرو ندى..
.ندى عمرو انت ايه اللي جابك هنا وعرفت منين اتفضل لو سمحت اطلع برة...
عمرو لا يا ندى مش هسيبك تعملي كدة ف نفسك....
ندى ليه يا عمرو مش انت مش عاجبك كدة انت وكل الناس اللي بيهم المظاهر وبس فلازم اغير نفسي عشان اعيش ف المجتمع المتخلف بتاعكو ده...
عمرو ندى انا بحبك كدة وميهمنيش اي حاجة تانية المهم انك تكوني جنبي مقدرش اعيش من غيرك...
ندى عمرو انت ايه اللي عامل فيك كدة انت كويس وايه الدم ده...
عمرو جايلك من الشركة لهنا جري خبطتني عربيه وقمت واتحملت عشان اوصلك قبل ما يخدروكي...
ندى طيب عمرو ارجوك روح عالج الجرح ووقف النزيف...
عمرو لا يا ندى مش هسيبك غير لما تغيري اللي ف دماغك وتسامحيني ولو يرضيكي اني افضل انزف كدة يبقى خلاص هفضل كدة...
ندى عمرو ارجوك بلاش تعمل كدة وسبني اعمل العمليه عشان ابقى البنت اللي بتتمنهاها لاني مش هستحمل انك تسيبني...
عمرو ومين قال انك مش البنت اللي بتمناها طول عمري ميهمنيش اي حاجة جمال كل البنات اللي اعرفهم ف كفة وجمال روحك ف كفة تانيه صدقيني يا ندى بحبك وعمري ماهسيبك لاي سبب..
ندى بجد يا عمرو...
عمرو بجد يا حبيبي...
ندى انت متعرف انا كنت خايفة ازاي من العمليه بس كنت عايزة اعملها عشانك...
عمرو خلاص يا حبيبتي مش محتاجة اي عمليات انا بعشقك كدة وبعشق ضحتك وخدودك المنورة...
ندى ربنا يخليك ليا...
عمرو يلا بقى نمشي من هنا بدل حب ف اوضة العمليات اللي احنا عاملينه ده...ندى يلا...
يخرجو من اوضة العمليات...
ندى هو انت عرفت منين صحيح...
عمرو سارة اتصلت بيا...
يوصل حسن هاه ياعمرو...
عمرو يااخي اتنيل وكنت عايزني اركب معاك...
حسن ايه ده انت بتنزف ليه كدة...
ندى اه يا عمرو بسرعة روح لدكتور يوقفلك النزيف... عمرو لا...
ندى عمرو يلا بقى بطل عناد...
عمرو مش قبل ماتقوليلي بحبك...
حسن يخربيتك هو ده وقته انجز دمك هيتصفى...
ندى بحبك يلا بقى ياعمرو...
يروح عمرو لدكتور ويعالجه..
.ويجو خارجين من المستشفى..
.عمرو ندى انتي لازم ترجعي البرنامج تاني...
ندى خلاص مش هينفع...
عمرو ليه...
ندى انا خلاص قدمت استقالتي واكيد بلغوا الاسبونسر بتاع البرنامج وانسحب...
يضحك عمرو لا منسحبش ولى حاجة...
ندى بتضحك ليه...
عمرو انتي تعرفي مين السبونسر...
ندى لا انت تعرفه...
عمرو اه انا...
ندى انت ايه...
عمرو انا الاسبونسر بتاع البرنامج وانا وكل متابعينك بنطلب منك ترجعيلنا تاني...
ندى اممم ماشي هرجع...
عمرو تمام يا قلبي هرجعك دلوقتي البيت ترتاحي واروح لماما عشان اقولها اني هخطبك...
ندى بدموع بجد يا عمرو...
عمرو بجد ياروح عمرو...

جروب بحر الخيال على الفيس بوك

يروح عمرو البيت...امه(سوسن) ايه يا حبيبي اللي عمل فيك كدة...
عمرو مفيش ياماما حادثه بسيطة المهم عايزك ف موضوع...سوسن خير...
عمرو انا عايز اخطب بس بتمنى متعترضيش...
سوسن اخيرا يا ابني هعترض ع ايه دنا مصدقت...
عمرو طب مش تعرفي هيا مين اللي حبيتها...
سوسن مين...
عمرو ندى علي المذيعة بتاعت برنامج عيش صباحك معانا...
سوسن ياااه بجد دنا بحبها جدا وع طول بسمعها...
عمرو بجد يعني موافقة...
سوسن ايوة طبعا...
عمرو من غير ما تشوفيها....
سوسن اه هو فيه حاجة ولى ايه...
عمرو بصي يا ماما انا بحب ندى جدا ومستحيل هسيبها...
سوسن ماشي هو انا قلتلك سيبها...
عمرو بس ممكن لما تشوفيها تقولي...سوسن ليه...
عمرو هيا مش زي القمر زي باقي البنات بس قلبي اتعلق بيها اكتر من اي واحده وعمري ما هتجوز غيرها...
سوسن خلاص براحتك ياعمرو واصلا الجمال مش كل حاجة والبنت باين عليها كويسة جدا كفاية ان دي اللي قدرت تغيرك وتخليك تحب انا موافقه البنت دي عملت اللي مقدرتش اعمله ف سنين...
عمرو خلاص هنحدد الفرح اخر الشهر...
سوسن تمام بس عايزة ابقى اشوفها...
عمرو ماشي..
.تعدي الايام...عمرو مالك زعلانه ليه...
ندى لفيت كتير مش لاقيه فستان مناسب ليا خالص اعمل ايه رئيك نلغي الفرح مش عايزة فرح انا مش عايزة احرجك قدام الناس...
عمرو ايه اللي انتي بتقوليه ده فستانك اصلا جاهز..
.ندى ايه ازاي...
عمرو ايوة انا جبت اكبر مصمم ازياء وخليته يعملك فستان تحفة كل البنات هيتجننو عليه...
ندى بجد يا عمرو انت مفيش زيك انا بجد بموت فيك ياحبيبي...
عمرو انا مهمتي ف الدنيا دي اني اسعدك واشوف ابتسامتك دي...
تعدي ايام ويجي يوم الفرح فرح كبير جدا اللاف المدعوين...
ندى عمرو انا خايفة ومتوترة يلا نمشي...
عمرو نمشي فين يا ندى اهدي كدة فيه ايه...
ندى حاسه ان كل الناس بيبصولي...
عمرو طبيعي عشان انتي طالع زي القمر..
.ندى بجد انت بس اللي شايف كدة...
عمرو وهو مش المهم انا ولى ايه...
ندى طبعا انت اهم حد ف الدنيا...
يقعدو والناس يجو يسلمو عليهم تيجي كارمن عمرو بجد انت صعبان عليا عشان تسيب كارمن وتروح لدي انت لازم تروح تعمل نظارة عشان تشوفها كويس وساعتها هتطلقها...
عمرو كارمن امشي اطلعي برة اللي مش عجباكي دي احسن منك الف مرة انسانه طيبة ومحترمة وناجحه وغاليه مش رخيصة زيك...
كارمن ماشي يا عمرو انت الخسران وتمشي...
ندى ممكن تهدي مش كدة...
عمرو انا اسف ياحبيبتي بس هيا انسانه معقده وسوده...
ندى بس معاها حق انت ازاي تسيب دي وتختارني واكيد تعرف غيرها مليون واحدة...
عمرو بس مفيش ولى واحدة فيهم زيك انتي حبيبتي...
بعد مرور 4سنين...
في اشهر القناوات التلفزيونيه فتاه جميله رشيقة تقدم البرنامج صباح الخير مشاهدينا الاعزاء واحلى صباح معانا....بعد ما تخلص البرنامج وتخرح..
عمرو ندى...ندى ايه يا عمرو خضتني...
عمرو ندى انتي مش هتقدمي البرنامج ده تاني وهترجعي الاذاعة والا مفيش شغل...
ندى ليه بس يا عموري...
عمرو اذا كنت انا حبيتك من صوتك بس امال دلوقتي وهما شايفينك صوت وصوره هيحصل ايه.
ندى ياعمرو عشان خاطري انا عملت المستحيل عشان ابقى ف المكان ده من 4 سنين مدير القناه رفضني عشان شكلي وانت عايزني بعد المجهود ده كله اسيب المكان ده no way طبعا انا عملت رجيم قاسي 4 سنين عشان ابقى هنا وانت عايز تعب اربع سنين يروح عشان غيرتك...
عمرو ايوة طبعا انا عايزك ليا لوحدي انتي لؤلؤة لازم تتحفظ من عيون الناس بخاف عليكي...
ندى ايوة اضحك عليا بكلمتين...
عمرو تعالي طيب نروح نجيب ملك من الحضانه وانا هقنعك...
يروحو ياخدو ملك من الحضانه ويروحو ريستوران يتغدوا...
عمرو ايوة عايزك تكلي كل اللي انتي عيزاه وهرجعي ندى بتاعت زمان...
تخبطه ندى فكتفه والله طيب مش واكله...
عمرو ههه بهزر والله انا بحبك ف كل وقت بس اصل انتي عارفة متعود بقالي 5سنين اسمع صوتك وانا رايح الشركة الصبح النهاردة مكنتش مركز ف السواقة عشان مش سامعك يرضيكي اعمل حادثة...
ندى لا بعيد الشر عليك يا حبيبي خلاص حاضر هرجع الاذاعة...ملك ديما كدة بيضحك عليكي يامامي...
عمرو ملك خليكي محضر خير...ندى لا مش بيضحك عليا واحيانا مببقاش مقتنعه باللي هو بيقوله بس اعمل ايه بحبه...
عمرو وانا كمان بحبك جدا انا لما بفتكر ان كان ممكن بغبائي اضيعك مني بستحقر نفسي جدا كنت هبقى عايش ازاي وانتي مش جنبي...
ندى انا اللي كنت هموت بجد...
عمرو بعيد الشر عليكي...
ملك كل مرة يجيبوني معاهم ويقعدو يحبو ف بعض انا مليش غير عمو حسن حبيبي...
ندى ايه ده هو فين صحيح...
عمرو اصل بيحب...
ندى اووو اخيرا...ملك هو كمان وانا كمان برضو عندي اللي يحبني...
عمرو نعم وهو مين ده شايفة بنتك يا هانم اللي انتي سيباها...
ندى ايه يا عمرو فيه ايه هو مين ده يا ملك...
عمرو يا سلام هو اللي فارق معاكي الشخص..
.ملك ده معايا ف الحضانه...
عمرو ياسلام ف الحضانه وبتحبي الله يرحم ابوكي محبش غير وهو عنده 30سنه...
ندى وهو كل الناس زي ابوها...
عمرو ماله ابوها...
ندى ملوش...
عمرو خللص انا كلمت سالم هيرجع تاني البرنامج...
ندى ماشي وادفع بقى الشرط الجزائي بتاع التلفزيون....
عمرو انا ادفع ملايين الدنيا عشان تبقي ليا وبس...وتنتهي القصة على بداية حلقة جديدة من برنامج ندى ف الاذاعة...
ندى صباح الخير مستمعينا الاعزاء وحلقة جديدة من برنامج عيش صباحك معانا ورجعتلكم تاني ندى علي وناخد اتصال ونقول الو...
عمرو الو وحشتنيا اوي اوي اوي واحب اقولك كل سنه وانتي طيبة يا اغلى زوجة ف الدنيا ويارب عقبال مليون سنه واهديكي اغنيه كل سنه وانت طيب ومن قليي قريب وكل سنه وانتي معايا يا حبيبتي....

جروب بحر الخيال على الفيس بوك